മസ്കത്ത്: നിർമാണ സാമഗ്രികൾ കൊണ്ടുപോകുന്നതിന് സ്വകാര്യ വാഹനങ്ങൾ ഉപയോഗിക്കുന്നതിനെതിരെ മുന്നറിയിപ്പുമായി മസ്കത്ത് മുനിസിപ്പാലിറ്റി. ഇത്തരം കാര്യങ്ങൾക്ക് സ്വകാര്യ വാഹനങ്ങൾ ഉപയോഗിക്കുന്നത് ഒഴിവാക്കണമെന്ന് മുനിസിപ്പാലിറ്റി താമസക്കാരോടും കരാറുകാരോടും നിർദേശം നൽകി. അത്തരം രീതികൾ ഗതാഗതത്തെ തടസ്സപ്പെടുത്തുകയും നഗരത്തിന്റെ ഭംഗിക്ക് ദോഷം വരുത്തുകയും താമസക്കാർക്ക് അസൗകര്യമുണ്ടാക്കുകയും ചെയ്യുമെന്ന് മുനിസിപ്പാലിറ്റി പ്രസ്താവനയിൽ പറഞ്ഞു.
ഗതാഗത പ്രവാഹത്തെയും നഗര ഭൂപ്രകൃതിയെയും പ്രതികൂലമായി ബാധിക്കും. നിർമാണ സ്ഥലങ്ങളിൽ സ്വകാര്യ വാഹനങ്ങളുടെ ഉപയോഗം നിരീക്ഷിക്കുന്നത് തുടരുകയാണ്.
പൊതുസുരക്ഷ ഉറപ്പാക്കുന്നതിനും മസ്കത്തിന്റെ അയൽപക്കങ്ങളുടെ സൗന്ദര്യാത്മക നിലവാരം നിലനിർത്തുന്നതിനും നിയുക്ത നിർമാണ വാഹനങ്ങൾ ഉപയോഗിക്കണമെന്ന് ഉദ്യോഗസ്ഥർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.