മസ്കത്ത്: സമൈലില് കനത്ത മഴയും കാറ്റും ആലിപ്പഴ വര്ഷവും അനുഭവപ്പെട്ടു. ചൊവ്വാഴ്ച വൈകുന്നേരം 3.30 ഓടെയാണ് ശക്തമായ കാറ്റിന്െറ അകമ്പടിയോടെ മഴ പെയ്തത്. അര മണിക്കൂറോളം നീണ്ടുനിന്ന മഴയിലും കാറ്റിലും ചിലയിടങ്ങളില് വെള്ളം പൊങ്ങി. സമാഈല്, മസ്റ ഭാഗങ്ങളില് കനത്ത ആലിപ്പഴ വര്ഷവുമുണ്ടായി. റുസൈല്- നിസ്വ റോഡില് ചില ഭാഗങ്ങളില് കനത്ത മഴയില് വെള്ളം ഒലിച്ചതോടെ വാഹനഗതാഗതം സാവധാനമായിരുന്നു. ഉള്ഭാഗങ്ങളിലെ ഏതാനും ചെറിയ വാദികളില് വെള്ളം നിറയുകയും ചെയ്തിട്ടുണ്ട്. അതേസമയം, കനത്ത കാറ്റില് വീടുകളുടെ മുകളിലെ വാട്ടര് ടാങ്കുകളുടെ മൂടി പറന്നുപോകുകയും ചെയ്തിരുന്നു. മേഘാവൃതമായ കാലാവസ്ഥ രാജ്യത്ത് തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.