ട്രാക്ക് ‘കാപിറ്റൽ ഫെസ്റ്റ്-2023’ന്റെ ചാരിറ്റി കൂപ്പൺ ചെയർമാൻ പി.ജി. ബിനു റാഫിൾ കൺവീനർ ലിജോയ് ജോളിക്ക് നൽകി പ്രകാശനം ചെയ്യുന്നു
കുവൈത്ത് സിറ്റി: തിരുവനന്തപുരം നോൺ റെസിഡന്റ്സ് അസോസിയേഷൻ ഓഫ് കുവൈത്ത് (ട്രാക്ക്) കേന്ദ്ര കമ്മിറ്റി മാർച്ച് 10 ന് സംഘടിപ്പിക്കുന്ന ‘കാപിറ്റൽ ഫെസ്റ്റ് - 2023’ന്റെ ചാരിറ്റി കൂപ്പൺ പ്രകാശനം ചെയ്തു. അബ്ബാസിയ ശ്രീരാഗം ഓഡിറ്റോറിയത്തിൽ നടന്ന ചടങ്ങിൽ ട്രാക്ക് പ്രസിഡൻറ് എം.എ. നിസാം അധ്യക്ഷത വഹിച്ചു. ചെയർമാൻ പി.ജി. ബിനു ചാരിറ്റി കൂപ്പൺ പ്രോഗ്രാം റാഫിൾ കൺവീനർ ലിജോയ് ജോളിക്ക് നൽകി പ്രകാശനം നിർവഹിച്ചു.
ജനറൽ സെക്രട്ടറി കെ.ആർ. ബൈജു, വൈസ് പ്രസിഡന്റ് ശ്രീരാഗം സുരേഷ്, അബ്ബാസിയ ഏരിയ കൺവീനർ പ്രദീപ് മോഹനൻ നായർ, മംഗഫ് ഏരിയ കൺവീനർ കൃഷ്ണരാജ്, സാൽമിയ ഏരിയ കൺവീനർ രമേശ് നായർ, കേന്ദ്ര കമ്മിറ്റി അംഗങ്ങളായ ഹരിപ്രസാദ്, വിജിത്ത് കുമാർ, ആഷ്ലി ജോസഫ്, പ്രിയ രാജ്, സരിത ഹരിപ്രസാദ് എന്നിവർ സംസാരിച്ചു.
വൈസ് പ്രസിഡൻറ് ശ്രീരാഗം സുരേഷ് കേന്ദ്ര കമ്മിറ്റി അംഗം ഹരിപ്രസാദിന് നൽകി ചാരിറ്റി കൂപ്പൺ ആദ്യ വിൽപന നടത്തി. പ്രോഗ്രാം ജനറൽ കൺവീനർ ആർ. രാധാകൃഷ്ണൻ സ്വാഗതവും ട്രഷറർ മോഹനകുമാർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.