ഗാർഹികത്തൊഴിലാളി റിക്രൂട്ട്മെൻറുമായി ബന്ധപ്പെട്ട് ധാരണപ്പത്രം ഒപ്പിടും
കുവൈത്ത് സിറ്റി: ഇന്ത്യൻ വിദേശകാര്യമന്ത്രി സുഷമ സ്വരാജ് ചൊവ്വാഴ്ച കുവൈത്തിലെത്തും.
കുവൈത്തിലേക്ക് ഇന്ത്യയിൽനിന്ന് ഗാർഹികത്തൊഴിലാളികളെ റിക്രൂട്ട് ചെയ്യുന്നതുമായി ബന്ധപ്പെട്ട ധാരണപ്പത്രത്തിൽ ബുധനാഴ്ച ഒപ്പിടും.
ധാരണപ്പത്രത്തിന് അന്തിമരൂപം ആയിട്ടുണ്ട്. കുവൈത്ത് തൊഴിൽ മന്ത്രി ഹിന്ദ് അസ്സബീഹ്, വിദേശകാര്യ മന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ് എന്നിവരുമായി കൂടിക്കാഴ്ച നിശ്ചയിച്ചിട്ടുണ്ട്.
കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹുമായി ഫോണിലും സംസാരിക്കും. രണ്ടുദിവസത്തെ ഖത്തർ സന്ദർശനം കഴിഞ്ഞാണ് സുഷമ സ്വരാജ് കുവൈത്തിലെത്തുന്നത്.
എൻജിനീയർമാരുടെ വിസ പുതുക്കുന്നതുമായി ബന്ധപ്പെട്ടുള്ള പ്രശ്നം, പെട്രോളിയം, വിദേശനിക്ഷേപം ഉൾപ്പെടെ മറ്റു പല വിഷയങ്ങളും സന്ദർശനത്തിനിടെ ചർച്ച ചെയ്യും. മന്ത്രിയായതിനുശേഷം ആദ്യമായാണ് അവർ കുവൈത്തിലെത്തുന്നത്. ചൊവ്വാഴ്ച വൈകീട്ട് ഇന്ത്യൻ സമൂഹത്തിലെ തെരഞ്ഞെടുത്ത വ്യക്തിത്വങ്ങളുമായി മന്ത്രി ചർച്ച നടത്തും. രണ്ടു ദിവസത്തെ സന്ദർശനം പൂർത്തിയാക്കി അവർ ബുധനാഴ്ച മടങ്ങും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.