കുവൈത്ത് സിറ്റി: വിദ്യാർഥികളിലുള്ള കഴിവുകളും അഭിരുചിയും കണ്ടെത്താനായി കേരളത്തിലെ പ്രമുഖ വിദ്യാഭ്യാസ ഗവേഷണ സ്ഥാപനമായ സിജി ചിട്ടപ്പെടുത്തിയ ശാസ്ത്രീയ പരിപാടി സി -ഡാറ്റ് വെള്ളിയാഴ്ച സാൽമിയ ഇന്ത്യൻ കമ്യൂണിറ്റി സ്കൂളിൽ നടക്കും. ഇന്ത്യൻ കമ്യൂണിറ്റി സ്കൂളിലെ 11, 12 ക്ലാസുകളിലെ തെരഞ്ഞെടുക്കപ്പെട്ട കുട്ടികൾക്കായാണ് അഭിരുചി പരീക്ഷ. ആറ് വ്യത്യസ്ഥ വിഷയങ്ങളിൽ പരീക്ഷ നടക്കും. ഇതിനെ അടിസ്ഥാനമാക്കി വിദഗ്ധ കൗൺസലർമാർ വിദ്യാർഥികളുമായി അഭിമുഖം നടത്തും. വെർബർ റീസണിങ്, സ്പേസ് റിലേഷൻ, മെക്കാനിക്കൽ റീസണിങ്, ലാംഗ്വേജ്, ന്യൂമെറിക്കൽ എബിലിറ്റി, അബ്സ്ട്രാക്ട് റീസണിങ് എന്നീ വിഷയങ്ങളിലാണ് പരീക്ഷ. കൗൺസലിങ് ശനിയാഴ്ച നടക്കും. സിജി കൗൺസലർമാരായ ഡോ. സംഗീത് ഇബ്രാഹിം, ഇസ്സുദ്ദീൻ, കബീർ പറപ്പൊയിൽ എന്നിവർ പരിപാടിക്കായി കുവൈത്തിലെത്തി. കരിയർ പ്ലാനിങ്ങും അഭിരുചി പരീക്ഷയുടെ പ്രാധാന്യവും എന്ന വിഷയത്തിൽ ഡോ. ജാസിം ക്ലാസെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.