കുവൈത്ത് സിറ്റി: പരിസ്ഥിതി പബ്ലിക്ക് അതോറിറ്റിയുടെ നിയമങ്ങൾ ലംഘിച്ചു രാജ്യത്ത് പ്രാവുകളെ വേട്ടയാടുന്നത് തുടരുന്നതായി റിപ്പോർട്ട്. അർധിയ ഇൻഡസ്ട്രിയൽ ഏരിയയിലെ തുറന്ന മൈതാനങ്ങളിലൊന്നിൽ വലയുടെ സഹായത്തോടെ പക്ഷികളെ വേട്ടയാടുന്നതായി അൽ റായി പത്രം റിപ്പോർട്ടു ചെയ്തു.
ധാന്യങ്ങൾ വിതറി പ്രാവുകളെ വശീകരിക്കുകയും അവ ഭക്ഷണം കഴിച്ചുകൊണ്ടിരിക്കുമ്പോൾ വല ഉപയോഗിച്ച് പിടികൂടുകയുമാണ് രീതി. കഴിഞ്ഞ ദിവസം രണ്ടുപേർ 40 മുതൽ 50 വരെ പ്രാവുകളെ പിടികൂടിയതായി റിപ്പോർട്ടിൽ പറയുന്നു. രാജ്യത്ത് പ്രാവുകളെ വേട്ടയാടൽ, കൊല്ലൽ, പിടിക്കൽ, ശേഖരിക്കൽ, ഉപദ്രവിക്കൽ, കടത്തൽ, എന്നിവ നിയമ ലംഘനമാണ്. നിയമ ലംഘകർക്ക് ഒരു വർഷത്തിൽ കൂടാത്ത തടവും 500 മുതൽ 5,000 ദിനാർ വരെ പിഴയും അല്ലെങ്കിൽ ഇവ രണ്ടും ലഭിക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.