പു​തി​യ വ്യോ​മ​യാ​ന നി​യ​മ​വു​മാ​യി മു​ന്നോ​ട്ട്; ച​രി​ത്ര​സം​ഭ​വ​മെ​ന്ന് ഏ​വി​യേ​ഷ​ൻ അ​തോ​റി​റ്റി മേ​ധാ​വി

കു​വൈ​ത്ത് സി​റ്റി: രാ​ജ്യ​ത്തെ പു​തി​യ സി​വി​ൽ ഏ​വി​യേ​ഷ​ൻ നി​യ​മം മേ​ഖ​ല​യെ അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ൾ​ക്കും ന​ട​പ​ടി​ക്ര​മ​ങ്ങ​ൾ​ക്കും അ​നു​സൃ​ത​മാ​യി പ​രി​വ​ർ​ത്ത​നം ചെ​യ്യാ​നും യോ​ജി​പ്പി​ക്കാ​നും സ​ഹാ​യി​ക്കു​മെ​ന്ന് കു​വൈ​ത്ത് പ​ബ്ലി​ക് സി​വി​ൽ ഏ​വി​യേ​ഷ​ൻ അ​തോ​റി​റ്റി മേ​ധാ​വി ശൈ​ഖ് ഹു​മൂ​ദ് മു​ബാ​റ​ക് അ​ൽ ഹു​മൂ​ദ് അ​ൽ ജാ​ബി​ർ അ​സ്സ​ബാ​ഹ്.

ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​നെ (ഡി.​ജി.​സി.​എ) പ​ബ്ലി​ക് അ​തോ​റി​റ്റി ഫോ​ർ സി​വി​ൽ ഏ​വി​യേ​ഷ​ൻ എ​ന്ന് പു​ന​ർ​നാ​മ​ക​ര​ണം ചെ​യ്ത​തി​നെ കു​റി​ച്ച് സം​സാ​രി​ക്കു​ക​യാ​യി​രു​ന്നു ശൈ​ഖ് ഹു​മൂ​ദ്. ഇ​ന്റ​ർ​നാ​ഷ​ന​ൽ സി​വി​ൽ ഏ​വി​യേ​ഷ​ൻ ഓ​ർ​ഗ​നൈ​സേ​ഷ​ന്റെ (ഐ.​സി.​എ.​ഒ) ആ​വ​ശ്യ​ക​ത​ക​ൾ​ക്ക് അ​നു​സൃ​ത​മാ​യാ​ണ് ഈ ​ന​ട​പ​ടി​യെ​ന്നും അ​ദ്ദേ​ഹം പ​റ​ഞ്ഞു.

കു​വൈ​ത്തി​ലെ സി​വി​ൽ ഏ​വി​യേ​ഷ​ൻ, വി​മാ​ന അ​പ​ക​ട​ങ്ങ​ൾ നി​യ​ന്ത്രി​ക്കു​ന്ന നി​യ​മ​ങ്ങ​ൾ എ​ന്നി​വ നി​ല​വി​ൽ വ​ന്ന് 65 വ​ർ​ഷ​ങ്ങ​ൾ​ക്ക് ശേ​ഷ​മാ​ണ് ഇ​ത്. മി​ക​ച്ച അ​ന്താ​രാ​ഷ്ട്ര സി​വി​ൽ ഏ​വി​യേ​ഷ​ൻ രീ​തി​ക​ൾ, വ്യോ​മ​യാ​ന മേ​ഖ​ല​ക​ളു​ടെ സ്വാ​ത​ന്ത്ര്യം ശ​ക്തി​പ്പെ​ടു​ത്ത​ൽ എ​ന്നി​വ​ക്ക് മാ​റ്റം സ​ഹാ​യി​ക്കും.​ആ​ഗോ​ള നി​ല​വാ​രം പു​ല​ർ​ത്തു​ന്ന​ത് അ​തോ​റി​റ്റി തു​ട​രു​മെ​ന്നും അ​ദ്ദേ​ഹം വ്യ​ക്ത​മാ​ക്കി. സു​താ​ര്യ​ത​യും സ്വ​യം ഓ​ഡി​റ്റിങ്ങും പ്രോ​ത്സാ​ഹി​പ്പി​ക്കു​ന്ന​ത് തു​ട​രു​മെ​ന്നും കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ പ്ര​വ​ർ​ത്തി​ക്കു​ന്ന എ​ല്ലാ സ്ഥാ​പ​ന​ങ്ങ​ൾ​ക്കും മി​ക​ച്ച സേ​വ​ന​ങ്ങ​ൾ ന​ൽ​കാ​ൻ അ​തോ​റി​റ്റി​ക്ക് ക​ഴി​യു​മെ​ന്നും ശൈ​ഖ് ഹു​മൂ​ദ് പ​റ​ഞ്ഞു.