കുവൈത്ത് സിറ്റി: കൊച്ചി മെട്രോ ഷോര്ട്ട് ഫിലിം ഫെസ്റ്റ് മിഡിൽ ഈസ്റ്റ് പ്രവര്ത്തനങ് ങള് കുവൈത്തിലേക്കു കൂടി വ്യാപിപ്പിക്കുന്നതായി ഡയറക്ടറും തെന്നിന്ത്യന് ചലച്ചിത്ര താരവുമായ രവീന്ദ്രന് വാർത്തസമ്മേളനത്തിൽ പറഞ്ഞു. ബഹ്റൈനിൽ നടത്തിയ കൊച്ചി മെട്രോ ഷോര്ട്ട് ഫിലിം ഫെസ്റ്റിവലിൽ കുവൈത്തിൽനിന്ന് പങ്കെടുത്ത ചലച്ചിത്ര പ്രവര്ത്തകർക്കുവേണ്ടി നിക്കോണുമായി സഹകരിച്ച് ദ്വിദിനശില്പശാല നടത്താൻ എത്തിയതായിരുന്നു അദ്ദേഹം.
നടൻ മോഹന്ലാല് ചെയർമാനും രവീന്ദ്രന് ഫെസ്റ്റിവൽ ഡയറക്ടറും സി.ഇ.ഒയുമായി 2014ലാണ് കൊച്ചി മെട്രോ ഷോര്ട്ട് ഫിലിം ഫെസ്റ്റ് രൂപവത്കരിച്ചത്. ബഹ്റൈൻ, സൗദി, ഒമാന്, യു.എ.ഇ എന്നിവിടങ്ങളിൽ ചാപ്റ്ററുകൾ ഇപ്പോൾ സജീവമാണ്.
ചലച്ചിത്രോത്സവങ്ങൾ സംഘടിപ്പിക്കുന്നതിനോടൊപ്പം പ്രവാസലോകത്തെ പുതിയ ചലച്ചിത്ര പ്രതിഭകളെ കണ്ടെത്തുകയും അവര്ക്ക് സൃഷ്ടിപരവും സാങ്കേതികവുമായ പ്രോത്സാഹനങ്ങളും സഹായവും നല്കുകയും ചെയ്യുക എന്നതാണ് കൊച്ചി മെട്രോയുടെ പ്രഥമ ലക്ഷ്യം. പ്രവാസലോകത്തെ പുതുമുഖ സംവിധായകർക്കും എഴുത്തുകാർക്കും നിർമാതാക്കൾക്കും സാങ്കേതിക വിദഗ്ധർക്കും അഭിനേതാക്കൾക്കും ചലച്ചിത്രലോകത്തേക്ക് ചുവടുവെക്കുന്നതിന് കൊച്ചി മെട്രോ അവസരങ്ങള് സൃഷ്ടിക്കും. നല്ല ചലച്ചിത്ര സംസ്കാരം വളര്ത്തുന്നതിന് സഹായകരമായ ആസ്വാദന കളരികള്, സെമിനാറുകൾ, സാങ്കേതിക ശിൽപശാലകൾ തുടങ്ങിയവയും കൊച്ചി മെട്രോ കുവൈത്ത് ചാപ്റ്റർ സംഘടിപ്പിക്കുമെന്ന് അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.