കുവൈത്ത് സിറ്റി: കുവൈത്തിൽ പുതിയ സ്വകാര്യ ടെലിവിഷൻ ചാനൽ ഉദ്ഘാടനം ചെയ്തു. ‘സൗത്ത്ത് അൽ അറബ്’ എന്ന പേരിലാണ് കുവൈത്ത് മീഡിയ ഹൗസ് കമ്പനി ചാനൽ ആരംഭിച്ചത്. 24 മണിക്കൂറും പ്രവർത്തിക്കുന്ന വാർത്ത ചാനലാണ് സൗത്ത് അൽ അറബ് എന്ന് കമ്പനി ചെയർമാൻ ശൈഖ് സബാഹ് അൽ മുഹമ്മദ് അസ്സബാഹ് ഉദ്ഘാടന ചടങ്ങിൽ പറഞ്ഞു. നാലുവർഷമായി മാനേജ്മെൻറും ജീവനക്കാരും മുന്നൊരുക്കത്തിലായിരുന്നു. സ്വതന്ത്രമായ മാധ്യമപ്രവർത്തനം ഇക്കാലത്ത് വലിയ വെല്ലുവിളിയാണെന്നും എന്നാൽ, കുവൈത്ത് ഭരണകൂടം ഇൗ വിഷയത്തിൽ നൽകുന്ന സ്വാതന്ത്ര്യം പ്രതീക്ഷ നൽകുന്നതും അഭിനന്ദനാർഹവുമാണെന്ന് ജനറൽ മാനേജറും ചീഫ് എഡിറ്ററുമായ ഹിഷാം അൽ ദിവാൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.