അബ്ബാസിയ: കെ.ഐ.ജി വിദ്യാഭ്യാസ ബോർഡിന് കീഴിൽ പ്രവർത്തിക്കുന്ന അൽ മദ്റസത്തുൽ ഇസ്ലാമിയ അബ്ബാസിയ 2018 വർഷത്തെ ഹിക്മ ടാലൻറ് സെർച് പരീക്ഷ വിജയികളെ അനുമോദിച്ചു. പി.ടി.എ കമ്മിറ്റി സംഘടിപ്പിച്ച പരിപാടിയിൽ പ്രിൻസിപ്പൽ മുനീർ മഠത്തിൽ അധ്യക്ഷത വഹിച്ചു. വിവിധ ഗ്രേഡുകളോടെ ഉന്നതവിജയം കൈവരിച്ച അബ്ബാസിയ മദ്റസയിലെ വിദ്യാർഥികൾക്ക് സമ്മാനദാനം നടത്തി. ജി.സി.സി തലത്തിൽ ഏറ്റവും ഉയർന്ന മാർക്ക് കരസ്ഥമാക്കിയ അൽ മദ്റസത്തുൽ ഇസ്ലാമിയ അബ്ബാസിയയിലെ വിദ്യാർഥിനി ആയിഷ തഫ്സിയക്ക് കെ.ഐ.ജി വിദ്യാഭ്യാസ ബോർഡ് ഡയറക്ടർ അബ്ദുൽ റസാഖ് നദ്വി ഉപഹാരം നൽകി. എ പ്ലസ് നേടിയ വിദ്യാർഥികൾക്ക് മുഹമ്മദ് സയ്യിദ് തങ്ങൾ ഉപഹാരം നൽകി. കുവൈത്തിൽ പരീക്ഷ നടത്താൻ സൗകര്യം ഒരുക്കുന്നതിൽ ശ്രദ്ധേയമായ സേവനം നടത്തിയ അൻസാർ മൊയ്ദീനെ ആദരിച്ചു. കെ.ഐ.ജി വൈസ് പ്രസിഡൻറ് ഫൈസൽ മഞ്ചേരി, സത്താർ കുന്നിൽ, അഷ്റഫ് വാക്കത്ത്, ഹിഷാം ബാരി, യൂസഫ്, കെ.എം. നൗഫൽ തുടങ്ങിയവർ സംസാരിച്ചു. പി.ടി.എ പ്രസിഡൻറ് അനീസ് അബ്ദുറഹ്മാൻ സ്വാഗതവും സെക്രട്ടറി ഷംനാദ് ശാഹുൽ ഹമീദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.