കുവൈത്ത് സിറ്റി: അന്താരാഷ്ട്ര ഫുട്ബാൾ അസോസിയേഷൻ (ഫിഫ) പ്രസിഡൻറ് ജിയാനി ഇൻഫൻറിനോ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹുമായി കൂടിക്കാഴ്ച നടത്തി. ബയാൻ പാലസിൽ ചൊവ്വാഴ്ച രാവിലെയായിരുന്നു കൂടിക്കാഴ്ച. കായിക മേഖലക്ക് പ്രത്യേകിച്ച് ഫുട്ബാളിന് കുവൈത്ത് നൽകുന്ന പ്രോത്സാഹനങ്ങൾ പ്രശംസാർഹമാണെന്ന് ഫിഫ പ്രസിഡൻറ് പറഞ്ഞു. ഔദ്യോഗിക സന്ദർശനത്തിെൻറ ഭാഗമായി കഴിഞ്ഞ ദിവസമാണ് ഫിഫ പ്രസിഡൻറ് കുവൈത്തിലെത്തിയത്. ഖത്തർ ലോകകപ്പിൽ ഏതാനും മത്സരങ്ങൾക്ക് കുവൈത്ത് ആതിഥ്യം വഹിക്കാനിടയുണ്ടെന്ന പ്രചാരണത്തിനിടെ ഫിഫ പ്രസിഡൻറ് കുവൈത്ത് അമീറുമായി ചർച്ച നടത്തിയതിന് പ്രാധാന്യമേറെയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.