കുവൈത്ത് സിറ്റി: പ്രതിരോധ മേഖലകളിൽ പരസ്പര സഹകരണം വിപുലപ്പെടുത്തുന്നതുമായി ബന്ധപ്പെട്ട് കുവൈത്ത് ഒന്നാം ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് നാസർ അസ്സബാഹും യു.എ.ഇ പ്രതിരോധ മന്ത്രി മുഹമ്മദ് അൽ ബവാരിദിയും ചർച്ച നടത്തി. യു.എ.ഇ പ്രതിരോധ മന്ത്രി അൽ ബവാരിദിയുടെ ഓഫിസിൽ നടന്ന ചർച്ചയിൽ ഇരു വിഭാഗങ്ങളിലെയും ഔദ്യോഗിക സംഘങ്ങളും സംബന്ധിച്ചു. ഇരു രാജ്യങ്ങൾക്കിടയിലെ സുഹൃദ്-സഹകരണ ബന്ധങ്ങൾ ശക്തമായി തുടരുന്നതിൽ രണ്ടുപേരും സംതൃപ്തി രേഖപ്പെടുത്തി. പുതിയ അന്താരാഷ്ട്ര സാഹചര്യങ്ങളും ഇരുവിഭാഗങ്ങൾക്കും തുല്യപ്രധാന്യമുള്ള മറ്റു വിഷയങ്ങളും ചർച്ചയായി. ഔദ്യോഗിക സന്ദർശനാർഥം കഴിഞ്ഞ ദിവസമാണ് ശൈഖ് നാസർ അസ്സബാഹ് യു.എ.ഇയിലെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.