ഫർവാനിയ: ഐവ കുവൈത്ത്, മലർവാടി ബാലസംഘം സംയുക്തമായി വിദ്യാർഥികൾക്കായി റിപ്ലബ്ലിക് ദിന സംഗമം സംഘടിപ്പിച്ചു. യൂത്ത് ഇന്ത്യ എക്സിക്യൂട്ടിവ് അംഗം സിജിൽ ഖാൻ കുട്ടികളുമായി സംവദിച്ചു. സാൽമിയ ഏരിയയുടെ ദേശീയ ഗാന ആലാപനത്തോടെ തുടങ്ങിയ പരിപാടിയിൽ ഫർവാനിയ, ഫഹാഹീൽ, സാൽമിയ ഏരിയകൾ നടത്തിയ നൃത്തം, അബ്ബാസിയ ഏരിയ വിവിധ സംസ്കാരങ്ങളെ സമന്വയിപ്പിച്ച് നടത്തിയ ഫാഷൻ ഷോ, അബുഹലീഫ ഏരിയ നടത്തിയ നാടോടിനൃത്തം, ഗാനങ്ങൾ തുടങ്ങിയവ പരിപാടികൾക്ക് മാറ്റ് കൂട്ടി. ഫർവാനിയ ഐഡിയൽ ഓഡിറ്റോറിയത്തിൽ നടന്ന സംഗമത്തിൽ ഐവ പ്രസിഡൻറ് മഹ്ബൂബ അനീസ് അധ്യക്ഷത വഹിച്ചു. ഇഹ്സാൻ ഖിറാഅത്ത് നടത്തി. ഫീസാൻ ഖാദർ സ്വാഗതവും ഐവ ജനറൽ സെക്രട്ടറി മുബീന ഫിറോസ് നന്ദിയും പറഞ്ഞു. ഐവ മലർവാടി കൺവീനർ മറിയം മൊയ്തു കലാപരിപാടികൾ നിയന്ത്രിച്ചു. 300ലധികം കുരുന്നുകൾ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.