കുവൈത്ത് സിറ്റി: കേരള ഇസ് ലാമിക് ഗ്രൂപ് കുവൈത്ത് (കെ.ഐ.ജി) സാൽമിയ ഏരിയ നേതൃത്വത്തിൽ കുടുംബ സംഗമം സംഘടിപ്പിച്ചു. പെരിന്തൽമണ്ണ 'പകലകം' റിസോർട്ടിൽ നടന്ന സംഗമത്തിൽ കുവൈത്ത് പ്രവാസികളും നാട്ടിൽ സ്ഥിര താമസമാക്കിയ മുൻ കാല കെ.ഐ.ജി പ്രവർത്തകരും ഒരുമിച്ചു.
കെ.ഐ. ജി കുവൈത്ത് ശൂറ അംഗം അബ്ദുറഹ്മാൻ എഴുവന്തല ഉദ്ഘാടനം ചെയ്തു. കെ.ഐ.ജി കുവൈത്ത് മുൻ പ്രസിഡന്റ് സുബൈർ ആലുവ അധ്യക്ഷതവഹിച്ചു. പരിപാടിയിൽ ജമാഅത്തെ ഇസ് ലാമി മലപ്പുറം ജില്ല വൈസ് പ്രസിഡന്റ് സക്കീർ ഹുസൈൻ തുവ്വൂർ, എം.എ.നവാസ്, സി.കെ. ഷാജഹാൻ, മെഹനാസ്, അസിമോൻ വണ്ടൂർ, മാംഗോ ഹൈപ്പർ മാർക്കറ്റ് കുവൈത്ത് മാനേജിങ് ഡയറക്ടർ റഫീഖ് എന്നിവർ ആശംസ പ്രസംഗം നടത്തി.
കോഓർഡിനേറ്റർ സഫ്വാൻ ആലുവ സ്വാഗതവും എൻ.പി മുനീർ തൂത നന്ദിയും പറഞ്ഞു. വി.എസ് നജീബ് നയിച്ച ഗാനമേളയും സാജിദ് ഒറ്റപ്പാലം നയിച്ച ഫാമിലി ഗെയിമുകളും ശ്രദ്ധേയമായി. അയ്ന മറിയം ഖിറാഅത്ത് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.