കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹും ജോർഡൻ
ഉപപ്രധാനമന്ത്രിയും വിദേശകാര്യ-പ്രവാസി മന്ത്രിയുമായ അയ്മാൻ സഫാദിയയും കൂടിക്കാഴ്ചയിൽ
കുവൈത്ത് സിറ്റി: ജോർഡൻ ഉപപ്രധാനമന്ത്രിയും വിദേശകാര്യ-പ്രവാസി മന്ത്രിയുമായ അയ്മാൻ സഫാദിയയും പ്രതിനിധി സംഘവും കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹുമായി കൂടിക്കാഴ്ച നടത്തി. കുവൈത്തിൽ അഞ്ചാമത് കുവൈത്ത്-ജോർഡൻ സംയുക്ത സമിതി യോഗങ്ങളിൽ പങ്കെടുക്കാനെത്തിയതായിരുന്നു ജോർഡൻ സംഘം.
ബയാൻ പാലസിൽ നടന്ന കൂടിക്കാഴ്ചയിൽ വിദേശകാര്യ മന്ത്രി അബ്ദുള്ള അൽ യഹ്യ, ജോർഡനിലെ കുവൈത്ത് അംബാസഡർ ഹമദ് അൽ മർറി, അറബ് ലോകകാര്യ അസിസ്റ്റന്റ് വിദേശകാര്യ മന്ത്രി അംബാസഡർ അഹമ്മദ് അൽ ബക്കർ, ജോർഡനിലെ വ്യവസായ, വ്യാപാര, വിതരണ മന്ത്രാലയം സെക്രട്ടറി ജനറൽ ദന അൽ സാബി, കുവൈത്തിലെ ജോർഡൻ അംബാസഡർ സെനൻ അൽ മജാലി എന്നിവരും പങ്കെടുത്തു.
പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹും ജോർഡൻ പ്രതിനിധി സംഘവുമായും അയ്മാൻ സഫാദിയയുമായും കൂടികാഴച നടത്തി. ഇരുരാജ്യങ്ങളും തമ്മിലുള്ള ഉഭയകക്ഷി ബന്ധങ്ങൾ, വിവിധ മേഖലകളിൽ സഹകരണം വർധിപ്പിക്കുന്നതിനുള്ള വഴികൾ എന്നിവ ഇരുവരും ചർച്ച ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.