തൊ​ഴി​ൽ നി​യ​മ​ങ്ങ​ളെ​ക്കു​റി​ച്ച് ഇ​ന്ത്യ​ൻ എം​ബ​സി സെ​മി​നാ​ർ

കു​വൈ​ത്ത് സി​റ്റി: ഇ​ന്ത്യ​ൻ എം​ബ​സി പ്ര​വാ​സി​ക​ൾ​ക്കാ​യി കു​വൈ​ത്ത് തൊ​ഴി​ൽ നി​യ​മ​ങ്ങ​ളെ​ക്കു​റി​ച്ച് സെ​മി​നാ​ർ സം​ഘ​ടി​പ്പി​ച്ചു. ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക ഉ​ദ്‌​ഘാ​ട​നം ചെ​യ്തു.

ഇ​ന്ത്യ​ൻ പ്ര​വാ​സി​ക​ളു​ടെ പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ന് എം​ബ​സി സ​ജീ​വ​മാ​യി പ്ര​വ​ർ​ത്തി​ക്കു​ന്ന​താ​യും പ​രാ​തി​ക​ൾ പ​രി​ഹ​രി​ക്കു​ന്ന​തി​ന് 24/7 എ​മ​ർ​ജ​ൻ​സി വാ​ട്ട്‌​സ് ആ​പ് ഹെ​ൽ​പ്‌​ലൈ​ൻ ല​ഭ്യ​മാ​ണെ​ന്നും അം​ബാ​സ​ഡ​ർ അ​റി​യി​ച്ചു. പ്ര​ശ്ന​ങ്ങ​ൾ കേ​ൾ​ക്കു​ന്ന​തി​നാ​യി എം​ബ​സി​യു​ടെ നേ​തൃ​ത്വ​ത്തി​ൽ ഓ​പ​ൺ ഹൗ​സ് ന​ട​ത്തു​ന്ന​തും ഓ​ർ​മി​പ്പി​ച്ചു.

സെ​മി​നാ​റി​ൽ കു​വൈ​ത്ത് പ​ബ്ലി​ക് മാ​ൻ​പ​വ​ർ അ​തോ​റി​റ്റി, ഡൊ​മ​സ്റ്റി​ക് ലേ​ബ​ർ ഓ​ഫി​സ് എ​ന്നി​വി​ട​ങ്ങ​ളി​ൽ നി​ന്നു​ള്ള ഉ​ദ്യോ​ഗ​സ്ഥ​ർ പ​ങ്കെ​ടു​ത്തു. സ്വ​കാ​ര്യ മേ​ഖ​ല​യി​ലും ഗാ​ർ​ഹി​ക മേ​ഖ​ല​യി​ലും തൊ​ഴി​ലാ​ളി​ക​ളു​മാ​യി ബ​ന്ധ​പ്പെ​ട്ട ച​ട്ട​ങ്ങ​ൾ ഉ​ദ്യോ​ഗ​സ്ഥ​ർ വി​ശ​ദീ​ക​രി​ച്ചു. തൊ​ഴി​ലി​ട​ങ്ങ​ളി​ലെ പ​രാ​തി​ക​ൾ പ​ബ്ലി​ക് മാ​ൻ​പ​വ​ർ അ​തോ​റി​റ്റി​യി​ൽ ന​ൽ​കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ ഉ​ദ്യോ​ഗ​സ്ഥ​ർ വി​വ​രി​ച്ചു.

റെ​സി​ഡ​ൻ​സ് നി​യ​മ​വു​മാ​യി ബ​ന്ധ​പ്പെ​ട്ട സം​ശ​യ​ങ്ങ​ൾ തീ​ർ​ക്കു​ന്ന​തി​നാ​യി ചോ​ദ്യോ​ത്ത​ര സെ​ഷ​നും ന​ട​ന്നു. വി​വി​ധ ഇ​ന്ത്യ​ൻ അ​സോ​സി​യേ​ഷ​നു​ക​ളു​ടെ പ്ര​തി​നി​ധി​ക​ൾ, ക​മ്പ​നി​ക​ളി​ൽ നി​ന്നു​ള്ള എ​ച്ച്.​ആ​ർ ഉ​ദ്യോ​ഗ​സ്ഥ​ർ, റി​ക്രൂ​ട്ടി​ങ് ഏ​ജ​ൻ​സി​ക​ൾ എ​ന്നി​വ​ർ സെ​മി​നാ​റി​ൽ പ​​​ങ്കെ​ടു​ത്തു.