ഫുട്ബാൾ ചാമ്പ്യൻഷിപ്പിൽ റണ്ണേഴ്സപ്പായ ഇന്ത്യ ഇന്റർനാഷനൽ സ്കൂൾ ടീം
കുവൈത്ത് സിറ്റി: കുവൈത്തിലെ വിദ്യാഭ്യാസ മന്ത്രാലയം വിദേശ -ബൈലിംഗ്വൽ സ്കൂളുകൾക്കായി സംഘടിപ്പിച്ച ഫുട്ബാൾ ചാമ്പ്യൻഷിപ്പിൽ മംഗഫിലെ ഇന്ത്യ ഇന്റർനാഷനൽ സ്കൂൾ റണ്ണേഴ്സപ് കരസ്ഥമാക്കി.
ദനാഹ് യൂനിവേഴ്സൽ സ്കൂൾ, കുവൈത്ത് ഇന്റർനാഷനൽ ഇംഗ്ലീഷ് സ്കൂൾ, ഇന്റർനാഷനൽ ബ്രിട്ടീഷ് സ്കൂൾ, കുവൈത്ത് അമേരിക്കൻ സ്കൂൾ തുടങ്ങിയ 34 സ്കൂളുകൾ പങ്കെടുത്ത ചാമ്പ്യൻഷിപ്പിലാണ് സ്കൂൾ റണ്ണേഴ്സപ് ട്രോഫി സ്വന്തമാക്കിയത്. ചാമ്പ്യൻഷിപ്പിലെ ടോപ് സ്കോററിനുള്ള ഗോൾഡൻ ബൂട്ട് സ്കൂളിലെ പത്താം തരം വിദ്യാർഥിയായ ശ്രീഹരി നന്ദൻ കരസ്ഥമാക്കി.
റണ്ണേഴ്സപ്പിനുള്ള ട്രോഫിയും കാഷ് പ്രൈസും പ്രൈവറ്റ് എജുക്കേഷൻ ഡയറക്ടർ സൽമാൻ അൽദാഫിയിൽനിന്ന് ജേതാക്കൾ ഏറ്റുവാങ്ങി. സ്കൂൾ പ്രിൻസിപ്പൽ കെ.വി. ഇന്ദുലേഖ, വൈസ് പ്രിൻസിപ്പൽ ഡോ. കെ. സലീം, ഫിസിക്കൽ എജുക്കേഷൻ ഡയറക്ടർ ഡോ. ടി. രമേശ് എന്നിവർ സന്നിഹിതരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.