കുവൈത്ത് സിറ്റി: ചാർക്കോൾ ഹീറ്ററിൽനിന്ന് കാർബൺ മോണോക്സൈഡ് ശ്വസിച്ച് ശ്വാസംമുട്ടി ഒരാൾ മരിച്ചതായി കുവൈത്ത് ഫയർഫോഴ്സിനെ ഉദ്ധരിച്ച് പ്രാദേശിക പത്രമായ കുവൈത്ത് ലോക്കൽ റിപ്പോർട്ട് ചെയ്തു. ഖൈറാനിലാണ് സംഭവം. വിവരം ലഭിച്ചതിനെ തുടർന്ന് ഖൈറാനിൽനിന്ന് ഫയർഫോഴ്സ് സംഘം സംഭവസ്ഥലത്ത് എത്തുമ്പോൾ ഒരു ഈജിപ്ഷ്യന്റെ മൃതദേഹം കണ്ടെത്തുകയായിരുന്നു.
ജബ്രിയയിലെ മറ്റൊരു സംഭവത്തിൽ ഫിലിപ്പൈൻ ഗാർഹിക തൊഴിലാളിയെ അബോധാവസ്ഥയിൽ ഫയർഫോഴ്സ് കണ്ടെത്തി. തണുപ്പുകാലത്ത് കരി ഹീറ്ററുകൾ ഉണ്ടാക്കുന്ന പുക ചില സമയങ്ങളിൽ അപകടകരമാണ്. അടച്ച മുറിയിൽ ഉപയോഗിക്കുകയാണെങ്കിൽ പ്രത്യേക ശ്രദ്ധവേണമെന്ന് അധികൃതർ മുന്നറിയിപ്പ് നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.