കുവൈത്ത് സിറ്റി: കോഴിക്കോട്, കണ്ണൂർ എന്നിവിടങ്ങളിലേക്കുള്ള സർവിസുകൾ റദ്ദാക്കിയ എയർഇന്ത്യ എക്സ്പ്രസ് നടപടിയിൽ പൊന്നാനി കൾചറൽ വേൾഡ് ഫൗണ്ടേഷൻ (പി.സി.ഡബ്ല്യു.എഫ്) കുവൈത്ത് ഘടകം പ്രതിഷേധിച്ചു. നടപടി മലബാറുകാരോടുള്ള അനീതിയും പ്രവാസികൾക്ക് വലിയ സാമൂഹിക-സാമ്പത്തിക ബുദ്ധിമുട്ടുകൾ സൃഷ്ടിക്കുന്നതുമാണ്. നാട്ടിലേക്ക് അടിയന്തരമായി പോകേണ്ട സാഹചര്യങ്ങളിലും, വിദ്യാർഥികളുടെയും തൊഴിലാളികളുടെയും യാത്രകളിലും ഇത് ഗുരുതരമായ പ്രതിസന്ധി വരുത്തും. എയർ ഇന്ത്യ എക്സ്പ്രസും ബന്ധപ്പെട്ട അധികാരികളും ഈ തീരുമാനം പുനഃപരിശോധിക്കണമെന്നും മലബാർ പ്രവാസികളുടെ അടിസ്ഥാന യാത്രാവകാശം സംരക്ഷിക്കണമെന്നും പി.സി.ഡബ്ല്യു.എഫ് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.