കുവൈത്ത് സിറ്റി: കെഫാക് സോക്കര് ലീഗ് അഞ്ചാം സീസണ് ഗ്രൂപ്തല മത്സരങ്ങളില് കേരള ചലഞ്ചേഴ്സ്, അല് ശബാബ്, സില്വര് സ്റ്റാര് ടീമുകള് വിജയം കണ്ടപ്പോള് സോക്കര് കേരളയും ചാമ്പ്യന്സ് എഫ്.സിയും തമ്മിലുള്ള മത്സരം ഗോള് രഹിത സമനിലയില് അവസാനിച്ചു.
ഗ്രൂപ്തല മത്സരങ്ങള് അവസാനഘട്ടത്തിലേക്ക് എത്തിയപ്പോള് വാശിയേറിയ പോരാട്ടങ്ങള്ക്കാണ് ലീഗ് സാക്ഷ്യം വഹിക്കുന്നത്. ആദ്യമത്സരത്തില് കേരള ചലഞ്ചേഴ്സ് ഏകപക്ഷീയമായ മൂന്നു ഗോളുകള്ക്ക് അല്ഫോസ് റൗദയെ പരാജയപ്പെടുത്തി. വിജയികള്ക്കുവേണ്ടി ജഗദീഷ്, ഉണ്ണി, ബിജു എന്നിവര് ഗോള് നേടി. കളിയിലെ താരമായി കേരള ചലഞ്ചേഴ്സിലെ ബിജുവിനെ തെരഞ്ഞെടുത്തു.
രണ്ടാം മത്സരത്തില് നിഷാദ് നേടിയ ഏക ഗോളിന് യങ് ഷൂട്ടേഴ്സ് അല് ശബാബ് എഫ്.സിയെ പരാജയപ്പെടുത്തി. മൂന്നാം മത്സരത്തില് സില്വര് സ്റ്റാര്സ് എഫ്.സി മറുപടിയില്ലാത്ത രണ്ടു ഗോളുകള്ക്ക് കേരള സ്റ്റാറിനെ തോല്പിച്ചു. ഷാന് ദീപകും മിഷാദുമാണ് വിജയഗോളുകള് നേടിയത്. തുല്യശക്തികളുടെ പോരാട്ടം കണ്ട നാലാം മത്സരത്തില് സോക്കര് കേരളയും ചാമ്പ്യന്സ് എഫ്.സിയും ഗോള് രഹിത സമനിലയില് പിരിഞ്ഞു. ചാമ്പ്യന്സ് എഫ്.സിയുടെ രഞ്ജിത്താണ് കളിയിലെ താരം. എല്ലാ വെള്ളിയാഴ്ചകളിലും മിഷറഫ് പബ്ളിക് അതോറിറ്റി ഫോര് യൂത്ത് ആന്ഡ് സ്പോര്ട്സ് സ്റ്റേഡിയത്തില് വൈകീട്ട് നാലുമുതല് രാത്രി ഒമ്പതുവരെയാണ് മത്സരങ്ങള്. കുടുംബസമേതം മത്സരങ്ങള് ആസ്വദിക്കാനുള്ള സൗകര്യം ഒരുക്കിയതായി കെഫാക് ഭാരവാഹികള് അറിയിച്ചു. ഫോണ്: 66619649, 99534500, 99288672.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.