കുവൈത്ത് സിറ്റി: ഹജ്ജിനിടെ മിനായില് തിക്കിലും തിരക്കിലുംപെട്ട് നൂറുകണക്കിന് പേര് മരിക്കാനും നിരവധിപേര്ക്ക് പരിക്കേല്ക്കാനും ഇടയായ സംഭവത്തില് അമീര് ശൈഖ് സബാഹ് അല് അഹ്മദ് അല് ജാബിര് അസ്സബാഹ് അഗാധമായ ദു$ഖവും അനുശോചനവും രേഖപ്പെടുത്തി. അപകടത്തില് മരിച്ചവര്ക്ക് അല്ലാഹു സ്വര്ഗം നല്കി അനുഗ്രഹിക്കട്ടെയെന്നും പരിക്കേറ്റ് ആശുപത്രികളില് കഴിയുന്നവര് എത്രയും പെട്ടെന്ന് സുഖംപ്രാപിക്കട്ടേയെന്നും സൗദി രാജാവ് സല്മാന് ബിന് അബ്ദുല് അസീസ് ആലു സഊദിന് അയച്ച പ്രത്യേക സന്ദേശത്തില് പ്രാര്ഥിച്ചു. അപകടത്തില് മരിച്ചവരുടെ കുടുംബങ്ങള്ക്ക് സഹിക്കാനുള്ള കഴിവ് നല്കട്ടെയെന്നും സൗദിയെയും അവിടത്തെ ജനങ്ങളെയും എല്ലാ വിപത്തുകളില്നിന്നും രക്ഷിക്കട്ടെയെന്നും അമീര് പറഞ്ഞു. കിരീടാവകാശി ശൈഖ് നവാഫ് അല് അഹ്മദ് അല് ജാബിര് അസ്സബാഹ്, പ്രധാനമന്ത്രി ശൈഖ് ജാബിര് അല് മുബാറക് അസ്സബാഹ് എന്നിവരും മിനാ ദുരന്തത്തില് അനുശോചനം അറിയിച്ച് പ്രത്യേക സന്ദേശങ്ങള് അയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.