കുവൈത്ത് സിറ്റി: ഐശ്വര്യത്തിന്െറയും സമൃദ്ധിയുടെയും ഉത്സവമായ ഓണം അങ്ങകലെ കേരളത്തില് ആഘോഷിക്കുമ്പോള് അതിനൊപ്പംചേരാന് പ്രവാസിമലയാളികളും ഒരുങ്ങി. കുവൈത്തിലെ മലയാളി സമൂഹം ഓണം കെങ്കേമമാക്കാന് കേരളത്തിലെപ്പോലെതന്നെ വിവിധ പരിപാടികള് ഒരുക്കിയിട്ടുണ്ട്. തിരുവോണം അവധിദിവസമായ വെള്ളിയാഴ്ചയായതിന്െറ സന്തോഷത്തിലാണ് പ്രവാസികള്. ഓണസദ്യയും മറ്റു പരിപാടികളുമായി ആഘോഷം പൊടിപൊടിക്കാനുള്ള ഒരുക്കങ്ങളാണെങ്ങും. ഉത്രാടനാളായ വ്യാഴാഴ്ചയും പലയിടത്തും ആഘോഷപരിപാടികള് നടക്കുന്നുണ്ട്. വ്യാഴാഴ്ച വൈകീട്ടോടെ രാജ്യത്തെ പ്രമുഖ ഹൈപ്പര്മാര്ക്കറ്റുകളിലും സൂപ്പര്മാര്ക്കറ്റുകളിലും ഷോപ്പിങ് കേന്ദ്രങ്ങളിലുമെല്ലാം മലയാളികളുടെ തിരക്കേറും.
വിവിധ സംഘടനകളുടെ ആഭിമുഖ്യത്തില് ഓണമാഘോഷങ്ങള്ക്ക് അത്തം പിറന്നതോടെതന്നെ തുടക്കംകുറിച്ചിരുന്നു. ഓണത്തിനുപിന്നാലെ ബലിപെരുന്നാളും എത്തുന്നതിനാല് പല സംഘടനകളും ഈദ്-ഓണം പരിപാടികള് സംയുക്തമായാണ് സംഘടിപ്പിക്കുന്നത്.
വിവിധ മേഖലകളില് പ്രവര്ത്തിക്കുന്ന സംഘടനകളെക്കൂടാതെ ജില്ലാ അസോസിയേഷനുകളും കേരളത്തിലെ ചെറുപ്രദേശങ്ങളുടെ പേരിലുള്ള കൂട്ടായ്മകളും മലയാളികളുടെ ഉടമസ്ഥതയിലുള്ള വിവിധ കമ്പനികളും സ്ഥാപനങ്ങളുമെല്ലാം ഓണാഘോഷം കേമമാക്കാന് സജീവമായി രംഗത്തുണ്ട്. പ്രമുഖ ഷോപ്പിങ് സെന്ററുകളും സൂപ്പര്മാര്ക്കറ്റുകളുമെല്ലാം ഓണംപ്രമാണിച്ച് പ്രത്യേക പാക്കേജുകളും സമ്മാനങ്ങളും വിലക്കുറവും പ്രഖ്യാപിച്ചിട്ടുണ്ട്.
പലയിടങ്ങളിലും വലിയ പൂക്കളങ്ങളും മറ്റും ഒരുക്കിയിട്ടുണ്ട്. മലയാളികള് നടത്തുന്ന റസ്റ്റോറന്റുകളും മറ്റും ഓണസദ്യയും വിവിധതരം പായസങ്ങളും തയാറാക്കുന്നു.
കേരളത്തനിമയാര്ന്ന സദ്യയും രുചിയൂറും പായസങ്ങളും വാഗ്ദാനം ചെയ്യുന്ന ഹോട്ടലുകള് പാര്സലുകളും നല്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.