ഐ.സി.എഫ് സൽമാബാദ് സെൻട്രൽ നൽകിയ സ്വീകരണത്തിൽ തുറാബ് തങ്ങൾ സംസാരിക്കുന്നു
മനാമ: ധാർമികതയിലധിഷ്ഠിതമായ വിദ്യാഭ്യാസവും അറിവും പകർന്ന് നൽകുന്നതിലൂടെ മാത്രമേ പുതിയ തലമുറയെ സാംസ്കാരിക സമ്പന്നരാക്കാൻ കഴിയുകയുള്ളൂവെന്നും അത്തരം പ്രവർത്തനങ്ങളുമായി ചേർന്ന് നിന്ന് സാമൂഹിക സേവനപ്രവർത്തനങ്ങളിൽ കൂടുതൽ കർമനിരതരാവണമെന്നും എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് മുഹമ്മദ് തുറാബ് സഖാഫി പ്രസ്താവിച്ചു.
ഐ.സി.എഫ് സൽമാബാദ് സെൻട്രൽ കമ്മിറ്റി ഒരുക്കിയ സ്വീകരണ സംഗമത്തിൽ സംസാരിക്കുകയായിരുന്നു അദ്ദേഹം.
സൽമാബാദ് സുന്നി സെന്ററിൽ ഐ.സി.എഫ് സെൻട്രൽ പ്രസിഡന്റ് ഉമർ ഹാജി ചേലക്കരയുടെ അധ്യക്ഷതയിൽ നടന്ന ചടങ്ങ് കേരള മുസ്ലിം ജമാഅത്ത് കോഴിക്കോട് ജില്ല ജനറൽ സെക്രട്ടറി അഫ്സൽ മാസ്റ്റർ കൊളാരി ഉദ്ഘാടനം ചെയ്തു. ഐ.സി.എഫ് നാഷനൽ നേതാക്കളായ എം.സി. അബ്ദുൽ കരീം ഹാജി, വി.പി.കെ. അബൂബക്കർ ഹാജി, അബ്ദുൽ സലാം മുസ്ലിയാർ കോട്ടക്കൽ, അബ്ദുറഹീം സഖാഫി വരവൂർ എന്നിവർ സംസാരിച്ചു. ഹംസ ഖാലിദ് സഖാഫി, അഷ്റഫ് കോട്ടക്കൽ, റഹീം താനൂർ, ഫൈസൽ ചെറുവണ്ണൂർ, അബ്ദുല്ല രണ്ടത്താണി, ഇസ്ഹാഖ് വലപ്പാട്, അർഷദ് ഹാജി, ഹാഷിം ബദറുദ്ദീൻ, ഷഫീഖ് മുസ്ലിയാർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.