മനാമ: കോവിഡ് കാലം ഒരുഭാഗത്ത് ദുരിതങ്ങളുടേതാണെങ്കിൽ മറുഭാഗത്ത് ഉദാരമായ മനുഷ്യ സ്നേഹത്തിേൻറത് കൂടിയ ാണ്. കഷ്ടത്തിലായ മനുഷ്യരെ അവർ ആവശ്യപ്പെടാതെത്തന്നെ ഒാടിയെത്തി സഹായിക്കുന്ന നിരവധി പേരെയാണ് ചുറ്റിലും ക ാണുന്നത്. അങ്ങനെയുള്ള ഒരാളാണ് കാസർകോട് പാറക്കട്ട സ്വദേശിയും ബഹ്റൈനിലെ മാസ്കോ പ്രോപ്പർട്ടി ഡെവലപ്മ െൻറ് കമ്പനി എം.ഡിയുമായ ഷാഫി പാറക്കട്ട. തെൻറ കീഴിലെ കെട്ടിടങ്ങളിൽ കച്ചവടം ചെയ്യുന്നവർക്കും താമസക്കാർക്കും രണ്ട് മാസത്തേക്ക് പകുതി വാടക ഇളവ് നൽകിയാണ് അദ്ദേഹം സഹജീവി സ്നേഹം പ്രകടമാക്കിയത്.
മനാമയിലെ ആറ് കെട്ടിടങ്ങളിലെ കച്ചവടക്കാർക്കാണ് വാടക ഇളവ് നൽകിയത്. കെട്ടിക ഉടമകളുമായി സംസാരിച്ച് അവരുടെ സഹകരണത്തോടെയാണ് ഇത് നടപ്പാക്കിയത്. ഇൗ കെട്ടിടങ്ങളിൽ വ്യാപാരം നടത്തുന്നതിൽ ഭൂരിഭാഗവും മലയാളികളാണ്. ഇന്ത്യയിലെ മറ്റ് സംസ്ഥാനക്കാരും ഇവിടെ കച്ചവടം ചെയ്യുന്നുണ്ട്. പ്രതീക്ഷിക്കാതെ കിട്ടിയ സഹായം വലിയ അനുഗ്രഹമായാണ് ഇവർ കാണുന്നത്. ഇതിന് പുറമെ, രണ്ട് കെട്ടിടങ്ങളിലെ താമസക്കാർക്കും വാടകയിൽ പകുതി ഇളവ് നൽകി. മറ്റ് ചില കെട്ടിടങ്ങളിൽ താമസിക്കുന്ന ജോലി നഷ്ടമായ ആളുകൾക്കും ഇളവ് നൽകിയിട്ടുണ്ട്.
കോവിഡ് വ്യാപനത്തെത്തുടർന്ന് വാണിജ്യ സ്ഥാപനങ്ങൾ പലതും അടച്ചിടേണ്ടി വന്നിരിക്കുകയാണ്. പ്രവർത്തിക്കുന്നവയിൽ തന്നെ കച്ചവടം കുറഞ്ഞു. ഇൗ സാഹചര്യത്തിലാണ് ബഹ്റൈൻ കെ.എം.സി.സി വൈസ് പ്രസിഡൻറ് കൂടിയായ ഷാഫി പാറക്കട്ട സഹായവുമായി രംഗത്തെത്തിയത്. കഷ്ടപ്പെടുന്നവരെ സഹായിക്കേണ്ടത് ഒാരോരുത്തരുടെയും ചുമതലയാണെന്ന് അദ്ദേഹം ‘ഗൾഫ് മാധ്യമ’ത്തോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.