ബഹ്റൈൻ സെന്റ് ഗ്രിഗോറിയോസ് ക്നാനായ പള്ളിയുടെ പതിനാലാമത് വലിയ പെരുന്നാള്
സമാപനത്തോടനുബന്ധിച്ച് നടന്ന ആശിർവാദം
മനാമ: ബഹ്റൈൻ സെന്റ് ഗ്രിഗോറിയോസ് ക്നാനായ പള്ളിയുടെ പതിനാലാമത് വലിയ പെരുന്നാളും ഹാർവെസ്റ്റ് ഫെസ്റ്റിവലും കേരള കാത്തലിക് അസോസിയേഷൻ ഹാളിൽ സംഘടിപ്പിച്ചു. പരിശുദ്ധനായ പരുമല തിരുമേനിയുടെ നാമത്തിൽ സ്ഥാപിതമായ ഇടവകയുടെ വലിയ പെരുന്നാൾ ശുശ്രൂഷകൾ വികാരി റവ. ഫാദർ ജേക്കബ് ഫിലിപ്പ് നടയിലിന്റെ കാർമികത്വത്തിൽ വിശുദ്ധ കുർബാന, ഇടവക അംഗങ്ങൾ എന്നിവർ പങ്കെടുത്ത ആഘോഷമായ റാസ, ആശിർവാദം, നേർച്ച വിളമ്പ്, ഹാർവെസ്റ്റ് ഫെസ്റ്റിവൽ എന്നിവ നടന്നു.
മാനേജിങ് കമ്മറ്റി അംഗങ്ങളുടെ സഹകരണത്തോടെ ഇടവക അംഗങ്ങളുടെ നേതൃത്വത്തിൽ വിവിധ സ്റ്റാളുകളും ക്രമീകരിച്ചിരുന്നു.
കൂടാതെ ഈ വർഷം പത്താം ക്ലാസ് പാസായ കുട്ടികൾക്ക് ഇടവകയുടെ ഉപഹാരവും നല്കിയിരുന്നുവെന്നും ഇടവകയുടെ വികാരി റവ. ഫാദർ ജേക്കബ് ഫിലിപ്പ് നടയിൽ, ട്രസ്റ്റി ലിബിൻ മാത്യു, സെക്രട്ടറി സ്റ്റീഫൻ ജേക്കബ് എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.