ഇന്ത്യൻ സ്കൂളിൽ നടന്ന മിഡിൽ സെക്ഷൻ വിദ്യാർഥികളെ ആദരിക്കുന്ന ചടങ്ങിൽനിന്ന്
മനാമ: മികച്ച അക്കാദമിക് നേട്ടങ്ങൾ കൈവരിച്ച മിഡിൽ സെക്ഷൻ വിദ്യാർഥികളെ ഇന്ത്യൻ സ്കൂൾ ആദരിച്ചു. 2024-2025 അധ്യയന വർഷത്തെ മികച്ച നേട്ടങ്ങൾ പരിഗണിച്ചായിരുന്നു ആദരം. ചടങ്ങിൽ തൊഴിൽ മന്ത്രാലയം അസി. അണ്ടർസെക്രട്ടറി അഹമ്മദ് അൽ ഹൈക്കി മുഖ്യാതിഥിയായിരുന്നു.
സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, പ്രോജക്ട്സ് ആൻഡ് മെയിന്റനൻസ് അംഗം മിഥുൻ മോഹൻ, ഭരണസമിതി അംഗം ബിജു ജോർജ്, പ്രിൻസിപ്പൽ വി.ആർ പളനിസ്വാമി, ജൂനിയർ വിങ് പ്രിൻസിപ്പൽ പമേല സേവ്യർ, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, ജൂനിയർ വിങ് വൈസ് പ്രിൻസിപ്പൽ പ്രിയ ലാജി, മിഡിൽ സെക്ഷൻ ഹെഡ് ടീച്ചർ ശ്രീജ പ്രമോദ് ദാസ് എന്നിവർ സന്നിഹിതരായിരുന്നു.
സ്കൂളിന്റെ അക്കാദമിക് നേട്ടങ്ങളുടെയും വിദ്യാർഥികളുടെ ദൃഢനിശ്ചയത്തിന്റെയും പ്രതിഫലനമാണ് അവാർഡ് ദാന ചടങ്ങെന്ന് ചെയർമാൻ അഡ്വ. ബിനു മണ്ണിൽ വറുഗീസ് തന്റെ അധ്യക്ഷ പ്രസംഗത്തിൽ പറഞ്ഞു. നേരത്തേ ബഹ്റൈന്റെയും ഇന്ത്യയുടെയും ദേശീയ ഗാനത്തോടെയും വിശുദ്ധ ഖുർആൻ പാരായണത്തോടെയുമാണ് പരിപാടി ആരംഭിച്ചത്. പ്രിൻസിപ്പൽ വി.ആർ. പളനിസ്വാമി സ്വാഗതം പറഞ്ഞു.
6 മുതൽ 8 വരെ ക്ലാസുകളിലെ ഉന്നത വിജയം നേടിയ വിദ്യാർഥികൾക്ക് എ1 അവാർഡുകൾ സമ്മാനിച്ചു.
വിദ്യാർഥികളായ ആരാധ്യ സന്ദീപ്, ബ്ലെസൺ അസീർ, ആദിനാഥ് അനീഷ്, ഫൈഹ ആയിഷ എന്നിവർ അവതാരകരായിരുന്നു. സെക്രട്ടറി വി. രാജപാണ്ഡ്യൻ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.