ഐ.സി.സി ക്രിയോ ക്രിക്കറ്റ് ടൂർണമെന്റിൽ വിജയിച്ച എൻ.എം.എസിലെ പെൺകുട്ടികൾ
മനാമ: ബഹ്റൈൻ ക്രിക്കറ്റ് ഫെഡറേഷൻ സംഘടിപ്പിച്ച ഐ.സി.സി ക്രിയോ ക്രിക്കറ്റ് ടൂർണമെന്റിൽ എൻ.എം.എസ് പെൺകുട്ടികളുടെ ക്രിക്കറ്റ് ടീം ചാമ്പ്യന്മാരായി. സൽമാബാദ് കെ.എച്ച്.കെ അക്കാദമിയിൽ വെച്ച് നടന്ന ടൂർണമെന്റിലാണ് എൻ.എം.എസ് ടീം ഈ നേട്ടം കൈവരിച്ചത്. സെമിഫൈനലിൽ ഇന്ത്യൻ സ്കൂൾ ബഹ്റൈനെ പരാജയപ്പെടുത്തിയാണ് ടീം ഫൈനലിലേക്ക് യോഗ്യത നേടിയത്.
തുടർന്ന് നടന്ന ആവേശകരമായ ഫൈനൽ മത്സരത്തിൽ ബഹ്റൈൻ ഇന്ത്യൻ സ്കൂളിനെ തോൽപ്പിച്ചാണ് ടീം കിരീടം ചൂടിയത്. സ്കൂളിന് അഭിമാനകരമായ ഈ നേട്ടത്തിൽ ടീമിനെയും കോച്ചുമാരെയും മാതാപിതാക്കളെയും എൻ.എം.എസ് പ്രിൻസിപ്പൽ ഡോ. അരുൺ കുമാർ ശർമ്മ അഭിനന്ദിച്ചു. സ്കൂൾ ചെയർമാൻ ഡോ. രവി പിള്ളയും മാനേജിംഗ് ഡയറക്ടർ ഗീത പിള്ളയും ടീമിനെയും കോച്ചിംഗ് സ്റ്റാഫിനെയും അഭിനന്ദനങ്ങൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.