ഗോ​സി​യി​ൽ വ​രു​ത്തി​യ മാ​റ്റ​ങ്ങ​ൾ (ഭാ​ഗം- മൂ​ന്ന്)

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

ഗോ​സി​യി​ൽ വ​രു​ത്തി​യ മാ​റ്റ​ങ്ങ​ളെ​പ്പ​റ്റി ക​ഴി​ഞ്ഞ ര​ണ്ടാ​ഴ്ച​ക​ളി​ൽ എ​ഴു​തി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ധാ​രാ​ളം വാ​യ​ന​ക്കാ​ർ സം​ശ​യ​ങ്ങ​ൾ ചോ​ദി​ക്കു​ക​യു​ണ്ടാ​യി. അ​വ​യു​ടെ അ​ടി​സ്ഥാ​ന​ത്തി​ൽ ചി​ല സം​ശ​യ​ങ്ങ​ൾ​ക്കു​ള്ള മ​റു​പ​ടി​യാ​ണ് ഈ​യാ​ഴ്ച ന​ൽ​കു​ന്ന​ത്.

A. എ​ന്തെ​ല്ലാം കാ​ര്യ​ങ്ങ​ളാ​ണ് സോ​ഷ്യ​ൽ ഇ​ൻ​ഷ്വ​റ​ൻ​സി​​ന്റെ വി​ഹി​തം കൊ​ടു​ക്കാ​ൻ അ​ടി​സ്ഥാ​ന ശ​മ്പ​ള​ത്തി​ന്റെ കൂ​ടെ ചേ​ർ​ക്കേ​ണ്ട​ത്

1976ലെ ​ഒ​രു മി​നി​സ്റ്റീ​രി​യ​ൽ ഓ​ർ​ഡ​ർ പ്ര​കാ​രം താ​ഴെ​പ്പ​റ​യു​ന്ന കാ​ര്യ​ങ്ങ​ൾ മൊ​ത്ത ശ​മ്പ​ളം ക​ണ​ക്കാ​ക്കു​മ്പോ​ൾ ചേ​ർ​ക്ക​ണം.

• 1.അ​ടി​സ്ഥാ​ന ശ​മ്പ​ളം. മാ​സ​ത്തി​ലോ ആ​ഴ്ച​യി​ലോ ദി​വ​സ​ത്തി​ലോ പീ​സ് വ​ർ​ക്ക് മ​ണി​ക്കൂ​ർ എ​ന്ന നി​ല​ക്കോ ന​ൽ​കു​ന്ന ശ​മ്പ​ളം.
• 2. ക​മീ​ഷ​ൻ: ഉ​ദാ​ഹ​ര​ണ​ത്തി​ന് ഇ​ൻ​ഷ്വ​റ​ൻ​സ് ഏ​ജ​ന്റി​ന് ല​ഭി​ക്കു​ന്ന ക​മീ​ഷ​ൻ
• 3. സാ​ധ​ന​ങ്ങ​ൾ വി​ൽ​ക്കു​മ്പോ​ൾ ല​ഭി​ക്കു​ന്ന ശ​ത​മാ​നം. ശ​മ്പ​ള​ത്തി​ന് പു​റ​മെ​യാ​ണി​ത്.
• 4. ഗ്രാ​ന്റ്സ്
• 5. ഉ​യ​ർ​ന്ന ജീ​വി​ത ചെ​ല​വി​ന്റെ അ​ല​വ​ൻ​സ്
• 6. കു​ടും​ബ അ​ല​വ​ൻ​സ്
• 7. വി​ദേ​ശ അ​ല​വ​ൻ​സ്
• 8. താ​മ​സ അ​ല​വ​ൻ​സ്
• 9. ട്രാ​ൻ​സ്​​പോ​ർ​ട്ട് അ​ല​വ​ൻ​സ് സ്ഥി​ര​മാ​യി ന​ൽ​കു​ന്ന​ത്.
• 10. സ്ഥി​ര​മാ​യി ന​ൽ​കു​ന്ന ഓ​വ​ർ​ടൈം ബോ​ണ​സ്
• 11. പ്ര​തി​വ​ർ​ഷം ന​ൽ​കു​ന്ന ബോ​ണ​സി​ന്റെ ഒ​രു വി​ഹി​തം

2,3,4 എ​ന്നി​വ​യി​ൽ പ​റ​ഞ്ഞി​രി​ക്കു​ന്ന വി​ഭാ​ഗ​ങ്ങ​ളെ സം​ബ​ന്ധി​ച്ചി​ട​ത്തോ​ളം ക​ഴി​ഞ്ഞ വ​ർ​ഷം തൊ​ഴി​ലാ​ളി​ക്ക് ല​ഭി​ച്ച മൊ​ത്ത തു​ക​ക​ളു​ടെ ശ​രാ​ശ​രി ക​ണ​ക്കാ​ക്കി​യാ​ണ് ശ​മ്പ​ള​ത്തി​ന്റെ കൂ​ടെ ചേ​ർ​ക്കേ​ണ്ട​ത്. ഇ​പ്പോ​ൾ സാ​ധാ​ര​ണ സ്ഥി​ര​മാ​യി ല​ഭി​ക്കു​ന്ന ആ​നു​കൂ​ല്യ​ങ്ങ​ൾ എ​ല്ലാം പ്ര​ത്യേ​ക​മാ​യി ഗോ​സി​യി​ൽ രേ​ഖ​പ്പെ​ടു​ത്താ​നു​ള്ള സം​വി​ധാ​ന​മു​ണ്ട്.

അ​താ​യ​ത് മു​ക​ളി​ൽ പ​റ​ഞ്ഞി​രി​ക്കു​ന്ന അ​ല​വ​ൻ​സി​ൽ ഏ​തെ​ങ്കി​ലും ല​ഭി​ക്കു​ന്നു​ണ്ടെ​ങ്കി​ൽ അ​ത് അ​ടി​സ്ഥാ​ന ശ​മ്പ​ളം രേ​ഖ​പ്പെ​ടു​ത്തു​ന്ന രീ​തി​യി​ൽ ഗോ​സി​യി​ൽ രേ​ഖ​പ്പെ​ടു​ത്താ​ൻ സാ​ധി​ക്കും.

B. ലീ​വി​ങ് ഇ​ൻ​ഡ​മി​നി​റ്റി ക​ണ​ക്കാ​ക്കു​ന്ന​ത് അ​ടി​സ്ഥാ​ന ശ​മ്പ​ള​വും അ​തി​ന്റെ കൂ​ടെ സോ​ഷ്യ​ൽ അ​ല​വ​ൻ​സും ചേ​ർ​ത്താ​ണ്.