മനാമ: യൂനിവേഴ്സിറ്റി ഒാഫ് ബഹ്റൈൻ പ്രസിഡൻറ് ഡോ.റിയാദ് ഹംസയും ബഹ്റൈനിലെ റഷ്യൻ അംബാസഡർ ഇഗോർ ക്രമ്നേവും തമ്മിൽ അക്കാദമിക് സഹകരണത്തെ കുറിച്ച് ചർച്ച നടത്തി. ഇരുരാജ്യങ്ങളും വിവിധ മേഖലകളിൽ നിലനിൽക്കുന്ന പരസ്പര സഹകരണത്തെ കുറിച്ചും അടിസ്ഥാന തലത്തിലെ ബന്ധത്തെ കുറിച്ചും യൂനിവേഴ്സിറ്റി പ്രസിഡൻറും റഷ്യൻ അംബാസഡറും കൂടിക്കാഴ്ചയിൽ സംതൃപ്തി രേഖപ്പെടുത്തി. രണ്ട് രാജ്യങ്ങളുടെ സഹകരണം ശക്തമാക്കുന്നതിൽ യൂനിവേഴ്സിറ്റി ഒാഫ് ബഹ്റൈൻ വഹിക്കുന്ന പങ്കിനെ അംബാസഡർ അഭിനന്ദിക്കുകയും ചെയ്തു. റഷ്യൻ യൂനിവേഴ്സിറ്റിയും യു.ഒ.ബിയും തമ്മിലുള്ള സഹകരണത്തെ കുറിച്ചും യു.ഒ.ബി രാജ്യത്ത് നിറവേറ്റിക്കൊണ്ടിരിക്കുന്ന വിദ്യാഭ്യാസത്തെ കുറിച്ചും അദ്ദേഹം എടുത്തുപറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.