മനാമ: മലങ്കര ഓർത്തഡോക്സ് ക്രൈസ്തവ യുവജന പ്രസ്ഥാനത്തിെൻറ ബോംബേ ഭദ്രാസനത്തിലെ 2018 വർഷത്തിലെ മികച്ച യൂനിറ്റ ായ് ബഹ്‌റൈൻ സെൻറ് മേരിസ് ഇന്ത്യൻ ഓർത്തഡോക്സ് കത്തീഡ്രലിലെ യുവജന വിഭാഗമായ സെൻറ് തോമസ് ഓർത്തഡോക്സ് യുവജന പ്രസ്ഥാനം തെരഞ്ഞെടുക്കപ്പെട്ടു. 2019 ഫെബ്രുവരി10ന് പൂനെയിൽ കൂടിയ യുവജന പ്രസ്ഥാന ഭദ്രാസനതല വാർഷിക യോഗത്തിൽ യുവജന പ്രസ്ഥാനങ്ങളുടെ 2018 വർഷത്തിലെ പ്രവർത്തന റിപ്പോർട്ടുകൾ വിലയിരുത്തിയാണ് അവാർഡ് നൽകിയത്. അവാർഡ് ബഹ്‌റൈൻ സെൻറ് മേരീസ് ഓർത്തഡോക്സ് കത്തീഡ്രലിെൻറ ഡയമണ്ട് ജൂബിലി സമാപന ചടങ്ങുകൾക്ക് മുഖ്യ കാർമ്മികത്വം വഹിക്കാനായി എത്തിയ ബോംബെ ഭദ്രാസനാധിപൻ ഗീവർഗ്ഗീസ് മാർ കൂറിലോസ് മെത്രാപ്പോലീത്ത സമ്മാനിച്ചു. 2018 ലെ വൈസ് പ്രസിഡൻറ് അജു റ്റി. കോശി, സെക്രട്ടറി ജിനു ചെറിയാൻ എന്നിവർ ഏറ്റുവാങ്ങി. കത്തീഡ്രൽ വികാരി റവ. ഫാ. ജോഷ്വാ ഏബ്രഹാം, സഹവികാരി റവ. ഫാ. ഷാജി ചാക്കോ, സെക്രട്ടറി സാബു ജോൺ, യുവജന പ്രസ്ഥാന ബോംബെ ഭദ്രാസന കമ്മറ്റി അംഗം അജി ചാക്കോ പാറയിൽ എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.