മനാമ: കഴിഞ്ഞ ഫെബ്രുവരി ഒമ്പതിന് ബഹ്റൈനിൽ മോഷ്ടാക്കൾ കെട്ടിടത്തിന് മുകളിൽ നിന്ന് തള്ളിയിട്ട് ഗുരുതര പരിക്കേൽക്കുകയും, തുടർന്ന് പ്രവാസ ലോകത്തിെൻറ സഹായംകൊണ്ട് ജീവിതത്തിൽ തിരികെ എത്തുകയും ചെയ്ത കൊല്ലം നിലമേൽ സ്വദേശി അഫ്സലിെൻറ വീട് നിർമ്മാണത്തിന് തുടക്കമായി. ദാറുൽ ഖൈർ ഭവന പദ്ധതിയിൽ ഉൾപ്പെടുത്തി ഐ. സി.എഫ് ബഹ്റൈൻ നിർമ്മിച്ച് കൊടുക്കുന്ന ഭവനത്തിെൻറ തറക്കല്ലിടൽ കർമ്മം എസ്.വൈ.എസ് സംസ്ഥാന വൈസ് പ്രസിഡൻറ് ഡോ: മുഹമ്മദ് കുഞ്ഞു സഖാഫി നിർവഹിച്ചു. ബഹ്‌റൈനിലെ പ്രമുഖ സാമൂഹ്യ പ്രവർത്തകൻ സിയാദ് ഏഴംകുളം, നിലമേൽ പഞ്ചായത്ത് പ്രസിഡൻറ് എ.എം.റാഫി, മുഹമ്മദ് റഫീഖ് എന്നിവർ ചടങ്ങിൽ സംബന്ധിച്ചു. അ^ഫ്സൽ ഇപ്പോൾ സുഖം പ്രാപിച്ചുവരികയാണ്. കോഴിക്കോട് തണൽ ചികിത്സ സൗജന്യമായി നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.