മനാമ: കർണ്ണാടക കൾച്ചറൽ ഫൗണ്ടേഷൻ വിപുലമായ നബിദിനസമ്മേളനം ഇന്നുമുതൽ രണ്ടുദിവസങ്ങളിലായി സംഘടിപ്പിക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാത്രി എട്ടിന് നടക്കുന്ന സമ്മേളനത്തിൽ അൽ ഖാദീസ എജ്യൂക്കേഷൻ സെൻറർ പ്രസിഡൻറ് ഡോ. മുഹമ്മദ് ഫാസിൽ റാസ്വി കവലക്കത്ത അതിഥിയായിരിക്കും. ലുഖ്മാനുൽ ഹക്കീം സഖാഫി മുഖ്യപ്രഭാഷണം നടത്തും. വൈകുന്നേരം അഞ്ചുമുതൽ കുട്ടികൾക്കായി ഖുർആൻ പാരായണം, പ്രസംഗം, ഗാനാലാപനം തുടങ്ങിയവ സംഘടിപ്പിച്ചിട്ടുണ്ട്.
പരിപാടിയിൽ ബഹ്റൈനിലെയും ഗൾഫിലെയും ഇന്ത്യയിലെയും പ്രമുഖർ സംബന്ധിക്കും. കൂടുതൽ വിവരങ്ങൾക്ക്: 33983603,38375247. kcfbahrain@gmail.com. വാർത്തസമ്മേളനത്തിൽ കെ.സി.എഫ് െഎ.എൻ.സി അംഗം ആലി മുസലിയാർ, കെ.സി.എഫ് െഎ.എൻ.സി റിലീഫ് വിഭാഗം ചെയർമാൻ ജമാലുദ്ദീൻ വിതൽ, കെ.സി.എഫ് ബഹ്റൈൻ പ്രസിഡൻറ് എസ്.എം ഫാറൂഖ്, നബിദിന സമ്മേളന സ്വാഗതസംഘം കമ്മിറ്റി ചെയർമാൻ സമദ് ഉജ്രിബെട്ട്, പ്രചരണ കമ്മിറ്റി സെക്രട്ടറി ലത്തീഫ് പെരോളി എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.