മനാമ: ബഹ്റൈൻ കേരള സോഷ്യൽ ആൻറ് കൾച്ചറൽ അസോസിയേഷൻ നവരാത്രി ആഘോഷത്തിന് മികച്ച തുടക്കം. അസോസിയേഷൻ ആസ്ഥാനത്ത് നടന്ന ഉദ്ഘാടന സമ്മേളനം ഡോ.കെ.എസ്. മേനോൻ ഉത്ഘാടനം ചെയ്തു. അസ്സോസിയേഷൻ പ്രസിഡൻറ് പമ്പാവാസൻ നായർ അധ്യക്ഷനായിരുന്നു. സെക്രട്ടറി സന്തോഷ് സ്വാഗതവും സാഹിത്യവിഭാഗം സെക്രട്ടറി മനു മോഹനൻ നന്ദിയും രേഖപ്പെടുത്തി. ശാക്തേയം ജോ.കൺവീനർ സതീഷ്, വൈസ് പ്രസിഡൻറ് ജയകുമാർ പിള്ള എന്നിവർ സംസാരിച്ചു. തുടർന്ന് സോപാനം വാദ്യകലാസംഘം ഗുരു സന്തോഷ് കൈലാസിെൻറ നേതൃത്വത്തിൽ സോപാന സംഗീത അരങ്ങേറി. കുമാരി ദേവഗംഗ അവതരിപ്പിച്ച പുരാണകഥനവും, കുമാരി ഗൗരിപ്രിയയുടെ ഭരതനാട്യം പദവും അരങ്ങേറി. എല്ലാദിവസവും വൈവിധ്യമായ കലാപരിപാടികൾ അരങ്ങേറും. 18 നു കളമെഴുത്തും പാട്ടും, ഒക്ടോബർ 19 നു വിദ്യാരംഭവും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.