തെന്നിന്ത്യ സിനിമാ ലോകം ഏറെ ആകാംക്ഷയോടെ കാത്തിരുന്ന താരവിവാഹമായിരുന്നു നടി നയൻതാരയുടേയും സംവിധായകൻ വിഘ്നേഷ് ശിവന്റേയും. ഏറെ നാളത്തെ പ്രണയത്തിന് ശേഷമാണ് ജൂൺ 9 ന് ഇവർ വിവാഹിതരായത്. മഹാബലിപുരത്തെ ഒരു സ്വകാര്യ റിസോർട്ടിൽ വെച്ച് നടന്ന ചടങ്ങിൽ . ഇന്ത്യൻ സിനിമ ലോകത്തെ പ്രമുഖർ പങ്കെടുത്തിരുന്നു.
നെറ്റ്ഫ്ലിക്സാണ് താരവിവാഹം സ്ട്രീം ചെയ്യുന്നത്. വിഘ്നേഷ് ശിവന്റെ ഉടമസ്ഥതയിലുള്ള റൗഡി പിക്ചേഴ്സിന്റെ ബാനറിൽ ഗൗതം മേനോനാണ് ചിത്രീകരിച്ചിരിക്കുന്നത്. 25 കോടി രൂപ‍ക്കാണ് സംപ്രേക്ഷണ അവകാശം നെറ്റ്ഫ്ലിക്സ് സ്വന്തമാക്കിയത്
അടുത്ത ആഴ്ച തന്നെ നയൻസ്- വിക്കി വിവാഹം നെറ്റ്ഫ്ലിക്സ് സ്ട്രീം ചെയ്യുമെന്നാണ് സൂചന. ഇപ്പോഴിതാ വിവാഹ വീഡിയോയുടെ പ്രമോ പുറത്ത് വിട്ടിരിക്കുകയാണ് നെറ്റ്ഫ്ലിക്സ്.'നയന്‍താര: ബിയോണ്ട് ദി ഫെയറി ടെയില്‍' എന്നാണ് ഡോക്യുമെന്ററിയുടെ പേര്. ഇരുവരും തങ്ങളുടെ ഇഷ്ടത്തെ കുറിച്ചാണ് വീഡിയോയിൽ പറയുന്നത്.
'ഞാൻ ജോലിയിൽ മാത്രമേ വിശ്വസിക്കുന്നുള്ളൂ, നിങ്ങൾക്ക് സ്നേഹമുണ്ടെന്ന് അറിഞ്ഞതിൽ തീർച്ചയായും സന്തോഷമുണ്ട്'; നയൻതാര വീഡിയോയിൽ പറയുന്നു. നയൻതാരയിൽ ഇഷ്ടപ്പെട്ടതിനെ കുറിച്ച് വിഘ്നേഷ് ശിവനും വാചാലനാവുന്നുണ്ട്. 'ഒരു സ്ത്രീയെന്ന നിലയിൽ, ഞാൻ അവളുടെ സ്വഭാവം ഇഷ്ടമാണ്. അവളുടെ സ്വഭാവം പ്രചോദനം നൽകുന്നതാണ്. അവൾ അകത്തും വളരെ സുന്ദരിയാണ് -വിഘ്നേഷ് കൂട്ടിച്ചേർത്തു
നയൻതാര - വിഘ്നേഷ് ശിവൻ വിവാഹം കാണാനായി കാത്തിരിക്കുകയാണ് ആരാധകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.