പൂവേ പൊലി പൂവേ...

ആ​ന​ക്ക​ര: ക​ര്‍ക്കട​ക​ത്തി​ന്റെ നോ​വ​റി​ഞ്ഞ് പി​റ​ന്ന ചി​ങ്ങ​ത്തെ പൂ​ക്ക​ണി വെ​ച്ച് വ​ര​വേ​ല്‍ക്കാ​ന്‍ നാ​ടൊ​രു​ങ്ങി. ഓ​ണാ​ഘോ​ഷ​ത്തി​ന്‍റെ മു​ന്നോ​ടി​യാ​യു​ള്ള അ​ത്തം ഞാ​യ​റാ​ഴ്ച​യാ​ണ്. ഇ​നി ‘പൂ​വേ പൊ​ലി പൂ​വേ’ വി​ളി​ക​ളു​മാ​യി തൊ​ടി​ക​ള്‍ ഉ​ണ​രു​ക​യാ​യി. പ​ഴ​യ​പോ​ലെ ഇ​ല്ല​ങ്കി​ലും കു​ട്ടി​ക​ള്‍ക്ക് ഇ​നി പൂ ​പ​റി​ക്ക​ലി​ന്റെ ദി​ന​ങ്ങ​ളാ​ണ്. ക​ണ്ണാ​ന്ത​ളി​യും കാ​ക്ക​പ്പൂ​വും തു​മ്പ​പ്പൂ​വും മു​ക്കു​റ്റി​യു​മെ​ല്ലാം ഇ​നി വീ​ട്ടു​മു​റ്റ​ത്ത് അ​ല​ങ്കാ​ര​മാ​കും.

ഇ​തോ​ടൊ​പ്പം അ​ന്യ​സം​സ്ഥാ​ന​ങ്ങ​ളി​ൽ​നി​ന്നു​ള്ള പൂ​ക്ക​ളും വി​പ​ണി​യി​ൽ സ​ജീ​വ​മാ​ണ്. തി​രു​വോ​ണ​ദി​വ​സം വ​രെ മു​റ്റ​ത്ത് പൂ​ക്ക​ളം തീ​ര്‍ക്കും. ഉ​ത്രാ​ട​നാ​ളു​ക​ളി​ല്‍ തൃ​ക്കാ​ക്ക​ര​യ​പ്പ​നെ കു​ടി​യി​രു​ത്തു​ന്ന ച​ട​ങ്ങും ഉ​ണ്ടാ​കും. മൂ​ലം മു​ത​ലാ​ണ് മു​റ്റ​ത്ത് ക​ള​ര്‍പ്പൂ​വ് (കൂ​ട്ടു​പൂ​വ്) ഇ​ടു​ക. മൂ​ല​ത്തി​ന്റെ അ​ന്ന് ക​ർ​ഷ​ക​ർ​ക്ക് പാ​ട​ത്ത് ക​ന്ന് നി​ര്‍ത്തു​ക എ​ന്നൊ​രു ച​ട​ങ്ങും നി​ല​നി​ന്നി​രു​ന്നു. മൂ​ല​ത്തി​ന്റെ അ​ന്ന് മു​ത​ല്‍ പാ​ട​ത്തും പ​റ​മ്പു​ക​ളി​ലു​മു​ള്ള പ​ണി​ക​ള്‍ നി​ര്‍ത്തും.

പി​ന്നെ ഓ​ണം ക​ഴി​ഞ്ഞ് തൃ​ക്കാ​ക്ക​ര​പ്പ​നെ എ​ടു​ത്ത​ശേ​ഷ​മാ​ണ് പ​ണി​ക​ള്‍ തു​ട​ങ്ങു​ക. ഈ ​ആ​ചാ​രം ഇ​ന്നും ചി​ല ഭാ​ഗ​ങ്ങ​ളി​ല്‍ നി​ല​നി​ല്‍ക്കു​ന്നു​ണ്ട്. ഇ​ത്ത​വ​ണ മ​ഴ​യു​ടെ കു​റ​വ് കാ​ര്‍ഷി​ക പ്ര​വൃ​ത്തി​ക​ളി​ലെ ചി​ട്ട​ക​ളെ അ​പ്ര​സ​ക്ത​മാ​ക്കി. മു​ന്‍കാ​ല​ത്ത് വി​ശ്വാ​സ​ത്തി​ന്‍റെ പു​റ​ത്താ​ണ് ഓ​ണ​പ്പൂ​ക്ക​ള​വും ആ​ഘോ​ഷ​ങ്ങ​ളു​മെ​ങ്കി​ലും ഇ​പ്പോ​ള്‍ ആ​വേ​ശ​ത്തി​ന്‍റെ​യും മ​ത്സ​ര​ത്തി​ന്‍റെ​യും നി​റ​വി​ലാ​ണ് കൊ​ണ്ടാ​ടു​ന്ന​ത്. അ​ത്തം നാ​ള്‍ തൊ​ട്ട് തു​ട​ങ്ങു​ന്ന പൂ​ത്ത​റ ഒ​രു​ക്ക​ങ്ങ​ള്‍ക്ക് നി​റ​മേ​റ്റാ​ന്‍ നാ​ട്ടു​വ​ഴി​ക​ളി​ലൂ​ടെ പൂ​വു​തേ​ടി​യു​ള്ള യാ​ത്ര​യി​ലാ​ണ് ഗ്രാ​മ​ങ്ങ​ളി​ലെ കു​ട്ടി​ക​ള്‍.