ആ​ക്രി വ്യാ​പാ​ര​ത്തി​ന്റെ മ​റ​വി​ൽ ച​ന്ദ​ന ഇ​ട​പാ​ട്: 2906 കി​ലോ ച​ന്ദ​നവുമായി പ്ര​തി അ​റ​സ്റ്റി​ൽ

ഒ​റ്റ​പ്പാ​ലം: ആ​ക്രി ഗോ​ഡൗ​ണി​ൽ അ​ന​ധി​കൃ​ത​മാ​യി സൂ​ക്ഷി​ച്ച 2906 കി​ലോ ച​ന്ദ​ന​ശേ​ഖ​രം പൊ​ലീ​സ് പി​ടി​കൂ​ടി. ആ​ക്രി വ്യാ​പാ​ര​ത്തി​ന്റെ മ​റ​വി​ൽ ച​ന്ദ​ന ഇ​ട​പാ​ട് ന​ട​ത്തി​വ​ന്ന ഓ​ങ്ങ​ലൂ​ർ വാ​ടാ​നാം​കു​റു​ശ്ശി പു​തു​ക്കാ​ട്ടി​ൽ ഹ​സ​നെ (32) അ​റ​സ്റ്റ് ചെ​യ്തു. ഇ​യാ​ളു​ടെ പാ​വു​ക്കോ​ണം കോ​ട്ട​കു​ള​ത്തു​ള്ള ത​റ​വാ​ട് വീ​ടി​നോ​ട് ചേ​ർ​ന്നു​ള്ള ഷെ​ഡി​ലാ​ണ് ആ​ക്രി സാ​ധ​ന​ങ്ങ​ൾ​ക്കി​ട​യി​ൽ ര​ഹ​സ്യ​മാ​യി ച​ന്ദ​ന മ​രം സൂ​ക്ഷി​ച്ചി​രു​ന്ന​ത്. ക​ഴി​ഞ്ഞ ദി​വ​സം വാ​ണി​യം​കു​ള​ത്തെ സ്വ​കാ​ര്യ വ്യ​ക്തി​യു​ടെ വ​ള​പ്പി​ൽ​നി​ന്ന് ച​ന്ദ​ന മ​രം മോ​ഷ​ണം പോ​യ​തു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​മാ​ണ് പൊ​ലീ​സി​നെ വ​ൻ ച​ന്ദ​ന വേ​ട്ട​യി​ൽ കൊ​ണ്ടെ​ത്തി​ച്ച​ത്. ജി​ല്ല പൊ​ലീ​സ് മേ​ധാ​വി ആ​ർ.​ആ​ന​ന്ദി​ന് ല​ഭി​ച്ച ര​ഹ​സ്യ വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​യി​രു​ന്നു പ​രി​ശോ​ധ​ന.

50 പെ​ട്ടി​ക​ളി​ലാ​യി ച​ന്ദ​ന​പ്പൊ​ടി, ചീ​ളു​ക​ൾ, ച​ന്ദ​ന ത​ടി ക​ഷ​ണം എ​ന്നീ രൂ​പ​ത്തി​ലാ​ണ് ക​ണ്ടെ​ടു​ത്ത​ത്. മ​രം മു​റി​ക്കു​ന്ന​തി​നു​ള്ള ഉ​പ​ക​ര​ണ​ങ്ങ​ളും ക​സ്റ്റ​ഡി​യി​ലെ​ടു​ത്തു. വി​വി​ധ​യി​ട​ങ്ങ​ളി​ൽ​നി​ന്ന് ശേ​ഖ​രി​ക്കു​ന്ന ച​ന്ദ​ന​മ​രം ആ​ക്രി ഗോ​ഡൗ​ണി​ലെ​ത്തി​ച്ച് വ്യാ​പാ​രം ന​ട​ത്തു​ക​യാ​ണെ​ന്നാ​ണ് വി​വ​രം.

ഒ​റ്റ​പ്പാ​ലം എ​സ്.​ഐ ടി.​പി. ഫ​ർ​ഷാ​ദി​ന്റെ നേ​തൃ​ത്വ​ത്തി​ൽ എ​സ്.​ഐ കെ.​ജി. ജ​യ​പ്ര​ദീ​പ്, സു​ധീ​ഷ്, ഷി​ജി​ത്ത്, രാ​മ​ദാ​സ്, പ്ര​താ​പ​ൻ, ജ​യ​രാ​ജ​ൻ, ഹ​ർ​ഷാ​ദ്, സ​ജി​ത്ത്, രാ​ജ​ൻ, വി​ജ​യ് തു​ട​ങ്ങി​യ​വ​ര​ട​ങ്ങി​യ സം​ഘ​മാ​ണ് ച​ന്ദ​ന​വും പ്ര​തി​യെ​യും പി​ടി​കൂ​ടി​യ​ത്. ര​ണ്ട് ലോ​ഡു​ക​ളാ​യി ച​ന്ദ​നം പൊ​ലീ​സ് സ്റ്റേ​ഷ​നി​ലെ​ത്തി​ച്ചു. കോ​ട​തി പ്ര​തി​യെ റി​മാ​ൻ​ഡ് ചെ​യ്തു.