വെട്ടുകേസ് പ്രതി ഷാഹുൽ മിദാദിനെ പൊലീസ് കസ്റ്റഡിയിലെടുത്തപ്പോൾ
പട്ടാമ്പി: കഴിഞ്ഞ ഡിസംബറിൽ വല്ലപ്പുഴയിൽ രണ്ടു യുവാക്കളെ സംഘം ചേർന്ന് മർദിക്കുകയും വെട്ടിപ്പരിക്കേൽപ്പിക്കുകയും ചെയ്ത കേസിലെ പ്രതി പിടിയിലായി. ഒളിവിലായിരുന്ന പ്രതികളിൽ അഞ്ചാം പ്രതി നെല്ലായ മലയിൽ ഷാഹുൽ മിദാദ് (28) വിദേശത്തേക്ക് രക്ഷപ്പെടാൻ ശ്രമിക്കുമ്പോഴാണ് പിടിയിലായത്. ഞായറാഴ്ച രാവിലെ 6.30ന് കരിപ്പൂർ വിമാനത്താവളത്തിൽ അധികൃതർ തടഞ്ഞുവെച്ച് പൊലീസിനെ അറിയിക്കുകയായിരുന്നു. ജില്ല പൊലീസ് മേധാവിയുടെ നിർദേശപ്രകാരം ഷൊർണൂർ ഡിവൈ.എസ്.പിയുടെ കീഴിൽ എസ്.ഐമാരായ ശ്രീകുമാർ, ബിന്ദുലാൽ, ഓഫിസർമാരായ ഷമീർ, രാജേഷ്, ജയരാജൻ എന്നിവരും പട്ടാമ്പിയുടെ ചാർജുള്ള തൃത്താല സി.ഐ വിജയകുമാറും ചേർന്ന് അറസ്റ്റ് രേഖപ്പെടുത്തി തെളിവെടുപ്പ് നടത്തി. പ്രതിയെ തിങ്കളാഴ്ച കോടതിയിൽ ഹാജരാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.