സിറാജുദ്ദീൻ
തിരൂർ: വിവിധ ജില്ലകളിൽ നിരവധി മോഷണക്കേസുകളിലെ പ്രതിയായ തിരുനാവായ കൊടക്കൽ സ്വദേശി പറമ്പിൽ സിറാജുദ്ദീൻ (38) അറസ്റ്റിൽ. കഴിഞ്ഞദിവസം അർധരാത്രി തിരൂർ ബസ് സ്റ്റാൻഡ് പരിസരത്ത് വിൽപനക്കായി കൈയിൽ സൂക്ഷിച്ച കഞ്ചാവു പൊതികളുമായിട്ടാണ് പ്രതിയെ പിടികൂടിയത്. വയനാട്, കോഴിക്കോട്, മലപ്പുറം ജില്ലകളിലെ വിവിധ സ്റ്റേഷനുകളിലായി പത്തോളം കേസുകളിലുൾപ്പെട്ട് ജയിലിൽ കഴിഞ്ഞിരുന്നയാളാണ് പിടിയിലായ സിറാജുദ്ദീൻ. തിരൂർ സി.ഐ എം.ജെ. ജിജോയുടെ നേതൃത്വത്തിൽ തിരൂർ എസ്.ഐ ജലീൽ കറുത്തേടത്ത്, ഗ്രേഡ് എസ്.ഐ ബിജുപോൾ, സിവിൽ പൊലീസ് ഓഫിസർമാരായ ബിജി, ധനേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. തിരൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.