കോതമംഗലം: ട്രാഫിക് പൊലീസ് ഉദ്യോഗസ്ഥനെ ആക്രമിച്ച പ്രതികൾ അറസ്റ്റിൽ. മേയ് ദിനത്തിൽ ഉച്ചക്ക് രണ്ടോടെ കോതമംഗലം മുനിസിപ്പൽ പ്രൈവറ്റ് ബസ്സ്റ്റാൻഡിൽ സ്വകാര്യ ബസിലെ ജീവനക്കാരനെ പ്രതികൾ ആക്രമിക്കുന്നത് കണ്ട് തടയാൻ ചെന്ന ട്രാഫിക് ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥൻ ശിവനെ തലക്കോട് പുതുപ്പാടി ബിനു (30), നേര്യമംഗലം തൊണ്ണൂറ് സെന്റ് കീച്ചേരികുടി നിഖിൽ (28), പോത്താനിക്കാട് മാമുട്ടത്ത് എൽദോസ് (26) എന്നിവർ ആക്രമിക്കുകയായിരുന്നു.
പരിക്കേറ്റ പൊലീസ് ഉദ്യോഗസ്ഥൻ കോതമംഗലം താലൂക്ക് ആശുപത്രിയിൽ ചികിത്സ തേടി. പ്രതികളെ കോതമംഗലം പൊലീസ് അറസ്റ്റ് ചെയ്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.