തിരുവനന്തപുരം: നീറ്റ് പരീക്ഷക്കുള്ള വിദ്യാർഥികൾക്കായി കെ.എസ്.ആർ.ടി.സി യാത്രാ ക്രമീകരണം ഏർപ്പെടുത്തി. എല്ലാ പരീക്ഷ കേന്ദ്രങ്ങളിലേക്കും സർവിസ് നടത്താൻ ഡിപ്പോകൾക്കും മേഖല അധികാരികൾക്കും ചീഫ് ഒാഫിസ് നിർദേശം നൽകി.
തിരക്ക് അനുഭവപ്പെടുമെന്നതിനാൽ ഇത് കണക്കിലെടുത്തുള്ള സർവിസ് ക്രമീകരണം ഏർപ്പെടുത്തും. കോവിഡ് മാനദണ്ഡങ്ങളും നിയന്ത്രണങ്ങളും പാലിച്ചാണ് സർവിസുകൾ നടത്തുക. കൃത്യമായ ഇടവേളകൾക്ക് പുറമേ ആവശ്യപ്പെങ്കിൽ ഡിപ്പോകൾക്ക് അധിക സർവിസുകളും ട്രിപ്പുകളും ഒാപറേറ്റ് ചെയ്യാം.
മാത്രമല്ല, പരീക്ഷ നടക്കുന്ന ഞായറാഴ്ച ഒാപറേറ്റിങ് വിഭാഗം ജീവനക്കാരുടെ അവധികൾക്കും നിയന്ത്രണം ഏർപ്പെടുത്തിയിട്ടുണ്ട്. ഇൻസ്‌പെക്ടർമാരും സ്ക്വാഡും പരിശോധന നടത്തണമെന്നും ഇത് സംബന്ധിച്ച ഉത്തരവിൽ പറയുന്നു. ചില ഡിപ്പോകൾ ഒാൺലൈൻ റിസർവേഷൻ സൗകര്യത്തോടെയാണ് ബസുകൾ ഒാപറേറ്റ് ചെയ്യുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.