കേന്ദ്ര സർക്കാറിെൻറ വിവിധ സ്ഥാപനങ്ങളിലേക്ക് ജൂനിയർ എൻജിനീയർമാരെ നിയമിക്കുന്നതിന് സ്റ്റാഫ് സെലക്ഷൻ കമീഷൻ നടത്തുന്ന പരീക്ഷ വിജ്ഞാപനമായി. സിവിൽ, മെക്കാനിക്കൽ, ഇലക്ട്രിക്കൽ, വിഷയങ്ങളിൽ ഡിപ്ലോമ, ബി.ടെക് യോഗ്യതയുള്ളവർക്ക് അപേക്ഷിക്കാം. സെൻട്രൽ വാട്ടർ കമീഷൻ, സെൻട്രൽ പബ്ലിക് വർക്സ് ഡിപ്പാർട്മെൻറ്, തപാൽ, മിലിട്ടറി എൻജിനീയറിങ് സർവിസ്, ഡയറക്ടർ ജനറൽ ബോർഡർ റോഡ്സ്, സെൻട്രൽ വാട്ടർ പവർ റിസർച് സ്റ്റേഷൻ, നാഷനൽ ടെക്നിക്കൽ റിസർച് ഒാർഗനൈേസഷൻ എന്നിവയിലേക്കാണ് തിരഞ്ഞെടുക്കപ്പെടുക.
ഗ്രൂപ് ബി നോൺ ഗസറ്റഡ് തസ്തികയിൽ നിയമിക്കപ്പെടുന്നവർക്ക് 35400-112400 എന്ന സ്കെയിലിലാണ് ശമ്പളം. ഒാരോ വകുപ്പിലും നിശ്ചിത പ്രായപരിധിയിൽ വ്യത്യാസമുണ്ട്. വാട്ടർ കമീഷനിൽ 32 വയസ്സു വരെയുള്ളവർക്ക് (1986 ജനുവരി രണ്ടിനുശേഷം ജനിച്ചവർ) അപേക്ഷിക്കാം. തപാൽ വകുപ്പിൽ 27 വയസ്സാണ് പ്രായപരിധി. സംവരണ വിഭാഗങ്ങൾക്ക് പ്രായപരിധിയിൽ ഇളവുണ്ട്.
രണ്ടു ഘട്ടങ്ങളിലായി നടക്കുന്ന പരീക്ഷകളുടെ അടിസ്ഥാനത്തിലായിരിക്കും തിരഞ്ഞെടുപ്പ്. കമ്പ്യൂട്ടർ അധിഷ്ഠിത പരീക്ഷയും എഴുത്തുപരീക്ഷയുമാണ് നടക്കുക. ആകെ 200 മാർക്കിെൻറ ആദ്യഘട്ട പരീക്ഷയിൽ സാമാന്യബോധം, പൊതുവിജ്ഞാനം എന്നിവയോടൊപ്പം, ജനറൽ എൻജിനീയറിങ്ങിലെ ചോദ്യങ്ങളുമുണ്ടായിരിക്കും. തെറ്റായി രേഖപ്പെടുത്തുന്ന ഒാരോ ചോദ്യത്തിനും 0.25 മാർക്ക് വീതം അധികം കുറക്കും.
ആദ്യ ഘട്ട പരീക്ഷയിൽ ജയിക്കുന്നവർക്കാണ് രണ്ടാം ഘട്ട എഴുത്തുപരീക്ഷക്ക് യോഗ്യതയുണ്ടായിരിക്കുക. ആകെ 300 മാർക്കിെൻറ രണ്ടാം ഘട്ട പരീക്ഷയിൽ ചോദ്യങ്ങൾ പൂർണമായും തിരഞ്ഞെടുക്കുന്ന വിഷയത്തിൽ നിന്നുള്ളതായിരിക്കും. ആദ്യഘട്ട പരീക്ഷ 2018 ജനുവരി അഞ്ചിനും എട്ടിനും ഇടയിലുണ്ടാവും. സിലബസും മറ്റു നിബന്ധനകളും
ssc.nic.in എന്ന വെബ്സൈറ്റിൽ കാണുക. അപേക്ഷിക്കേണ്ട അവസാനതീയതി നവംബർ 17.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.