കൊച്ചി: സംസ്ഥാനത്ത് സ്വർണവില വീണ്ടും കുറഞ്ഞു. പവന് 200 രൂപയാണ് കുറഞ്ഞത്. ഗ്രാമിന് 25 രൂപയും കുറഞ്ഞു. ഒരു പവൻ സ്വർണത്തിന്റെ വില 34,880 രൂപയാണ്. കഴിഞ്ഞ ദിവസം ഇത് 35,080 രൂപയായിരുന്നു. ഒരു ഗ്രാം സ്വർണത്തിന്റെ വില 4360 രൂപയായും കുറഞ്ഞു.
അടുത്ത വർഷത്തെ ബോണ്ട് വാങ്ങൽ സംബന്ധിച്ച യു.എസ് കേന്ദ്രബാങ്കായ ഫെഡ് റിസർവിന്റെ പ്രഖ്യാപനമാണ് സ്വർണവിലയെ സ്വാധീനിക്കുന്നത്. എം.സി.എക്സ് എക്സ്ചേഞ്ചിൽ സ്വർണത്തിന്റെ ഭാവിവിലയിൽ 0.62 ശതമാനത്തിന്റെ ഇടിവുണ്ടായി.
അന്താരാഷ്ട്ര വിപണിയിലും സ്വർണവില ഇടിഞ്ഞു. സ്പോട്ട് ഗോൾഡ് വില 0.3 ശതമാനം ഇടിഞ്ഞ് ഔൺസിന് 1,762.33 ഡോളറായി. യു.എസിലെ സ്വർണത്തിന്റെ ഭാവി വിലകളും ഇടിഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.