കൊച്ചി: സംസ്ഥാനത്ത് സ്വർണവില വീണ്ടും ഉയർന്നു. പവന്റെ വിലയിൽ 240 രൂപയുടെ വർധനവാണ് ഉണ്ടായത്. ഗ്രാമിന് 30 രൂപയും വർധിച്ചു. ഇതോടെ പവന്റെ വില 39,880 രൂപയായി ഉയർന്നു. ഈ മാസത്തെ ഏറ്റവും ഉയർന്ന നിരക്കിലാണ് സ്വർണമിപ്പോൾ.
എം.സി.എക്സ് എക്സ്ചേഞ്ചിലും സ്വർണവില ഉയരുകയാണ്. 0.65 ശതമാനത്തിന്റെ വർധനവാണ് എം.സി.എക്സ് എക്സ്ചേഞ്ചിലുണ്ടായത്. സ്വർണത്തിന്റെ ഭാവിവില 53,332രൂപയായാണ് വർധിച്ചത്. അന്താരാഷ്ട്ര മാർക്കറ്റിലും സ്വർണവില ഏറ്റവും ഉയർന്ന നിരക്കിലാണ്.
യുക്രെയ്ൻ പ്രതിസന്ധിയെ തുടർന്ന് പല രാജ്യങ്ങളിലും പണപ്പെരുപ്പം ഉയരുകയാണ്. ഇതുമൂലം ഓഹരി വിപണി ഉൾപ്പടെയുള്ള റിസ്ക് കൂടിയ സ്ഥലങ്ങളിൽ നിക്ഷേപകർ നിക്ഷേപം നടത്താൻ മടിക്കുകയാണ്. ഇത് സ്വർണവില ഉയരുന്നതിനുള്ള പ്രധാന കാരണങ്ങളിലൊന്നാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.