കൊച്ചി: സ്വർണവില കുതിച്ചുയരുന്നു. രാവിലെ റെക്കോഡിലെത്തിയ സ്വർണ വിലയിൽ ഉച്ചക്കു ശേഷം വീണ്ടും വർധനവ് രേഖപ്പെടുത്തി. ഉച്ചക്കു ശേഷം സ്വർണം ഗ്രാമിന് 45 രൂപ വർധിച്ച് 10715 രൂപയായി. ഒരു പവൻ സ്വർണത്തിന് 85,720 രൂപയായി. പവൻ വില 86,000ൽ എത്താൻ ഇനി 280 രൂപയുടെ അകലം മാത്രം.
രാവിലെ ഒരു ഗ്രാം സ്വർണത്തിന് 85 രൂപ വർധിച്ച് പവൻ വില 85,360യിലെത്തിയിരുന്നു. ആഗോളവിപണിയിലും സ്വർണവില റെക്കോഡിലെത്തിയിരുന്നു. സെപ്റ്റംബറിൽ മാത്രം ഗ്രാമിന് 1095 രൂപയും പവന് 8760 രൂപയുമാണ് വർധിച്ചത്. സെപ്റ്റംബർ ഒമ്പതിനാണ് പവൻ വില 80,000 കടന്നത്.
സുരക്ഷിത നിക്ഷേപം എന്ന നിലയിൽ സ്വർണത്തിന്റെ ഡിമാൻഡ് വർധിച്ചതോടെ ആഗോള നിക്ഷേപകർ വൻതോതിൽ വാങ്ങിക്കൂട്ടാൻ തുടങ്ങിയതാണ് വില കുതിച്ചുയരാൻ കാരണം. രാജ്യാന്തര വിപണിയിൽ വില വർധിക്കുന്ന പ്രവണത നിലനിൽക്കുന്നതിനാൽ ആഭ്യന്തര വിപണിയിൽ വരും ദിവസങ്ങളിലും വില കൂടുമെന്നാണ് സൂചന.
ഈ വർഷം ഫെഡറൽ റിസർവ് വീണ്ടും പലിശനിരക്കുകൾ കുറക്കാനുള്ള സാധ്യതയാണ് സ്വർണ വില വർധിക്കാനുള്ള പ്രധാന കാരണം. വരുംദിവസങ്ങളിലും സ്വർണ വില ഉയരാനാണ് സാധ്യത.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.