കൊച്ചി: ഒരു ഇടവേളക്ക് ശേഷം സംസ്ഥാനത്ത് വീണ്ടും സ്വർണവില കുതിക്കുന്നു. പവന് 200 രൂപയാണ് ഇന്ന് വർധിച്ചത്. ഇതോടെ ഒരു പവൻ സ്വർണത്തിന്റെ വില 36,080 രൂപയായി ഉയർന്നു. 35,880 രൂപയായിരുന്നു കഴിഞ്ഞ ദിവസത്തെ സ്വർണവില.
ഒരു ഗ്രാം സ്വർണത്തിന്റെ വില 4510 രൂപയായും വർധിച്ചു. യു.എസിൽ ബോണ്ടുകളിൽ നിന്നുള്ള ആദായം കുറഞ്ഞതും ഡോളർ ദുർബലമാകുന്നതും കോവിഡുമാണ് നിലവിൽ സ്വർണവിലയെ സ്വാധീനിക്കുന്ന ഘടകങ്ങൾ. റഷ്യയും യു.എസും തമ്മിൽ നിലവിൽ ഉടലെടുത്ത പ്രശ്നങ്ങളും വിലയെ കാര്യമായി സ്വാധീനിക്കുന്നുണ്ട്.
അതേസമയം, അന്താരാഷ്ട്ര വിപണിയിൽ സ്പോട്ട് ഗോൾഡിന്റെ വില മാറ്റമില്ലാതെ തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.