കൊച്ചി: സംസ്ഥാനത്ത് സ്വർണവില വീണ്ടും കുറഞ്ഞു. പവൻ വില 40,000ത്തിൽ താഴെയെത്തി. ബുധനാഴ്ച വലിയ രീതിയിൽ ഉയർന്നശേഷം വില വീണ്ടും കുറയുകയായിരുന്നു. നിലവിൽ 39,840 രൂപയാണ് ഒരു പവൻ സ്വർണത്തിന്റെ വില.
ഗ്രാമിന്റെ വില 4980 രൂപയായി കുറഞ്ഞിരുന്നു. ബുധനാഴ്ച രാവിലെ സ്വർണവിലയിൽ വലിയ മുന്നേറ്റമാണ് ഉണ്ടായത്. വ്യാപാരം തുടങ്ങിയുടൻ സ്വർണവില 40,000 രൂപ കടന്നിരുന്നു. എന്നാൽ, തുടർന്നുള്ള വ്യാപാരത്തിൽ സ്വർണത്തിന് മികവ് നിലനിർത്താനായില്ല.
മൾട്ടി കമ്മോഡിറ്റി എക്സ്ചേഞ്ചിൽ സ്വർണത്തിന്റെ ഭാവിവില 1.64 ശതമാനം ഉയർന്നിരുന്നു. അന്താരാഷ്ട്ര വിപണിയിലും സ്വർണത്തിന്റെ വില വൻതോതിൽ ഉയർന്നിരുന്നു. വിപണിയിൽ 2,069 ഡോളറിലാണ് സ്വർണത്തിന്റെ വ്യാപാരം പുരോഗമിക്കുന്നത്. യു.എസിന്റെ സ്വർണ ഭാവി വിലകളും ഉയർന്നിട്ടുണ്ട്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.