ബെയ്ജിങ്: യു.എസ് ഡോളറിനെതിരെ റെക്കോഡ് താഴ്ചയിൽ ചൈനീസ് കറൻസി യുവാൻ. ബ്രിട്ടീഷ് പൗണ്ടിന് പിന്നാലെ കുത്തനെ ഇടിവ് നേരിടുന്ന കറൻസിയാണിത്.ബുധനാഴ്ച 0.7 ശതമാനം കുറഞ്ഞ് ഡോളറിനെതിരെ 7.2302 ആയിരുന്നു യുവാന്റെ നിരക്കെന്ന് ബ്ലൂംബെർഗ് വാർത്ത ഏജൻസി റിപ്പോർട്ട് ചെയ്തു.
ഇത് 2008ലെ ആഗോള സാമ്പത്തിക പ്രതിസന്ധിക്കുശേഷമുള്ള ഏറ്റവും താഴ്ന്ന നിലയാണ്. ഈ വർഷം കറൻസി 13 ശതമാനത്തിലധികം ഇടിഞ്ഞു. യുവാന്റെ ഇടിവ് തടയാനുള്ള നടപടികൾ സെൻട്രൽ ബാങ്ക് തിങ്കളാഴ്ച പ്രഖ്യാപിച്ചിട്ടും നഷ്ടം തുടരുകയാണ്.
യു.കെയിലെ ലിസ് ട്രസ് സർക്കാർ നികുതി വെട്ടിക്കുറക്കാനും ചെലവ് വർധിപ്പിക്കാനുമുള്ള പദ്ധതികൾ പ്രഖ്യാപിച്ചതിനുപിന്നാലെ തിങ്കളാഴ്ച ബ്രിട്ടീഷ് പൗണ്ട് ഡോളറിനെതിരെ റെക്കോഡ് താഴ്ചയിലേക്ക് കൂപ്പുകുത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.