ന്യൂഡൽഹി: രാജ്യത്ത് പെട്രോൾ ഡീസൽ വില വീണ്ടും കൂട്ടി. പെട്രോളിന് 18 പൈസയും ഡീസലിന് 29 പൈസയുമാണ് വർധിപ്പിച്ചിരിക്കുന്നത്. പുതുക്കിയ നിരക്ക് പ്രകാരം രാജ്യ തലസ്ഥാനമായ ഡൽഹിയിൽ ഒരു ലിറ്റർ പെട്രോളിന് 81.68 രൂപയാണ് വില ഡീസലിന് 73.24 രൂപയും നൽകണം.
കൊച്ചിയിൽ പെട്രോളിന് 83.68 രൂപയും ഡീസലിന് 77.16 രൂപയുമാണ് വില. രൂപയുടെ വിനിമയ മൂല്യം കഴിഞ്ഞ ദിവസം റെക്കോർഡുകൾ ഭേദിച്ച് 74 എത്തിയിരുന്നു. ഇതിന് പിന്നാലെയാണ് വില വർധിപ്പിച്ച് എണ്ണ കമ്പനികൾ രംഗത്തെത്തിയിരിക്കുന്നത്. അതേ സമയം, ഇറാനിൽ നിന്ന് ഇന്ധന ഇറക്കുമതി നിർത്തില്ലെന്ന് കേന്ദ്രസർക്കാർ തീരുമാനം എണ്ണ കമ്പനികൾക്ക് ആശ്വാസം പകരുന്നതാണ്.
കഴിഞ്ഞ ദിവസം പെട്രോളിനും ഡീസലിനും കേന്ദ്രസർക്കാർ രണ്ടര രൂപ കുറച്ചിരുന്നു. എക്സൈസ് ഡ്യൂട്ടി ഇനത്തിൽ ഒന്നര രൂപയും ഇന്ധനവിലയിൽ ഒരു രൂപയുടേയും കുറവാണ് വരുത്തിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.