ന്യൂഡൽഹി: സാങ്കേതിക രംഗത്ത് വലിയ മാറ്റങ്ങൾക്ക് തുടക്കമിടുന്ന 5ജി നെറ്റ്വർക്കിൽ ചൈനീസ് ഘടകങ്ങൾ ഉപയോഗിക ്കാത്ത ഏക കമ്പനി റിലയൻസ് ജിയോയാണെന്ന് ചെയർമാൻ മുകേഷ് അംബാനി. ഇന്ത്യ സന്ദർശനത്തിനിടെ യു.എസ് പ്രസിഡൻറ് ഡ ോണൾഡ് ട്രംപിനോടാണ് അംബാനി ഇക്കാര്യം പറഞ്ഞത്.
ഇന്ത്യയിലെ പ്രധാന കമ്പനികളുടെ സി.ഇ.ഒമാരുമായി നടത്തിയ കൂടിക്കാഴ്ചക്കിടെ അംബാനി നടത്തിയ പരാമർശം കഴിഞ്ഞ ദിവസമാണ് വൈറ്റ്ഹൗസ് പുറത്ത് വിട്ടത്. ദക്ഷിണകൊറിയൻ കമ്പനിയായ സാംസങ്ങാണ് ജിയോയുടെ 5ജി സാങ്കേതിക വിദ്യ സ്ഥാപിക്കുന്നതിനുള്ള പങ്കാളി.
നിങ്ങൾ 5ജി സാങ്കേതികവിദ്യ ഉപയോഗിക്കാൻ പോവുകയാണോയെന്ന് ട്രംപ് കൂടിക്കാഴ്ചയിൽ അംബാനിയോട് ചോദിച്ചു. അതെ, 5ജിക്കായി ചൈനീസ് ഉൽപന്നങ്ങൾ ഉപയോഗിക്കാത്ത ഏക കമ്പനി ജിയോയാണെന്നും അംബാനി ട്രംപിന് മറുപടി നൽകി. നേരത്തെ ലോകരാജ്യങ്ങൾ 5ജിക്കായി വാവേയുടെ സാങ്കേതിക വിദ്യ ഉപയോഗിക്കുന്നതിൽ ആശങ്ക പ്രകടിപ്പിച്ച് യു.എസ് രംഗത്ത് എത്തിയിരുന്നു. ചൈനീസ് സാങ്കേതികവിദ്യ ഉപയോഗിക്കുന്നത് സുരക്ഷാ പ്രശ്നങ്ങൾക്ക് ഇടയാക്കുമെന്നായിരുന്നു അമേരിക്കയുടെ വാദം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.