അക്ബർ ട്രാവൽസ് ഓഫ് ഇന്ത്യയുടെ 19ാമത് ശാഖ മക്കയിൽ ഡയറക്ടർ ആഷിയ അബ്ദുൽ നാസർ ഉദ്ഘാടനം ചെയ്യുന്നു
മക്ക: അക്ബർ ട്രാവൽസ് ഓഫ് ഇന്ത്യയുടെ സൗദി അറേബ്യയിലെ 19ാമത് ശാഖ മക്കയിൽ പ്രവർത്തനമാരംഭിച്ചു. മക്കയിലെ റുസൈഫ ഡിസ്ട്രിക്ടിൽ, അമീർ നാസർ ബിൻ മസ്ഊദ് റോഡിൽ, നഖീൽ പ്ലാസയിലാണ് ഓഫിസ്. വ്യാഴാഴ്ച രാവിലെ ഹ്രസ്വമായ ചടങ്ങിൽ ഡയറക്ടർ ആഷിയ അബ്ദുൽ നാസർ ഉദ്ഘാടനം നിർവഹിച്ചു.
ചടങ്ങിൽ ജിദ്ദയിലെയും മക്കയിലെയും എയർലൈൻ, ഹോട്ടൽ, ഹജ്ജ്-ഉംറ സ്ഥാപനങ്ങൾ എന്നിവയുടെ പ്രതിനിധികൾ, അക്ബർ ട്രാവൽസ് സൗദി ജനറൽ മാനേജർ അസ്ഹർ ഖുറേഷി, ഗ്ലോബൽ സെയിൽസ് ഹെഡ് ഷാഹിദ് ഖാൻ, ഹജ്ജ് ആൻഡ് ഉംറ ഓപറേഷൻ ഹെഡ് മുഹമ്മദ് മുസ്തഫ, വെസ്റ്റേൺ റീജനൽ മാനേജർ മുഹമ്മദ് സഈദ് തുടങ്ങിയവർ പങ്കെടുത്തു. അക്ബർ ട്രാവൽസിന് ജിദ്ദ, റിയാദ്, ദമ്മാം, മദീന, തബൂക്ക്, ഹാഇൽ, ഖസീം തുടങ്ങി സൗദിയിലെ പ്രധാന നഗരങ്ങളിലെല്ലാം ശാഖകളുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.